سۋرەت: rb1ncm.ru
- «Rising Stars» پورتالى ەلىمىزدىڭ قۇراماسى مەن الماتىنىڭ «قايرات» كلۋبىنىڭ شابۋىلشىسى داستان ساتباەۆتى ۋەفا چەمپيوندار ليگاسىنىڭ وتكەن اپتاداعى 23 جاسقا دەيىنگى ويىنشىلار اراسىنداعى شارتتى قۇرامىنا قوستى. ۇزدىكتەردىڭ جالپى ءتىزىمى مىناداي: قاقپاشى – نوي اتۋبولۋ (23 جاس, «فرايبۋرگ»); قورعاۋشىلار – ديەگو مورەيرا (21 جاس, «ليون»), لۋكا ۆۋشكوۆيچ (18 جاس, «توتتەنحەم»), زەنو دەباست (21 جاس, «اندەرلەحت»), تەرەنس كۋدۋ (20 جاس, «لانس»); جارتىلاي قورعاۋشىلار – رايان گراۆەنبەرح (23 جاس, «ليۆەرپۋل»), گابري ۆەيگا (23 جاس, «ال-احلي»), پەدري (22 جاس, «بارسەلونا»); شابۋىلشىلار – انسۋ فاتي (22 جاس, «برايتون»), نيكو پاز (21 جاس, «رەال مادريد»), داستان ساتباەۆ (17 جاس, «قايرات»).
- باق وكىلدەرى 2024/25 جىلعى ماۋسىمداعى ەلىمىزدىڭ ەڭ ۇزدىك حوككەيشىسىن انىقتادى. 43 ءجۋرناليستىڭ قاتىسۋىمەن وتكەن ساۋالدامادا «بارىستىڭ» قاقپاشىسى نيكولاي بوياركين وزىپ شىقتى. ەكىنشى, ءۇشىنشى ورىنداردى استانالىق كلۋبتىڭ ويىنشىلارى ۆالەري ورەحوۆ پەن نيكيتا ميحايليس يەلەندى.
- 28 قىركۇيەكتە ءداستۇرلى «الماتى مارافونى» وتەدى. وعان 60-تان اسا مەملەكەتتەن كەلگەن 16 مىڭنان اسا جەلاياق قاتىسادى. رەسپۋبليكا الاڭىنان باستاۋ الاتىن جارىس اسەم شاھاردىڭ ەڭ كورىكتى جەرلەرى ارقىلى جالعاسادى. 42,2 شاقىرىمدىق مارافوننان بولەك, جارتىلاي مارافون (21,1 شاقىرىم), سپۋتنيك (10 شاقىرىم), سكانديناۆيالىق جۇرىستەن (10 شاقىرىم) جارىس ۇيىمداستىرىلادى.
- فۋتبولدان ەلىمىزدىڭ پرەمەر-ليگاسىنىڭ 9-تۋرىنىڭ كەيىنگە شەگەرىلگەن تاعى ءبىر ويىنى ءوتتى. قوستانايدا «توبىل» شىمكەنتتىڭ «ورداباسى» كومانداسىن قابىلداپ, 1:0 ەسەبىمەن جەڭىسكە جەتتى. باسەكە تاعدىرىن 14-مينۋتتا يسلام چەسنوكوۆ سوققان جالعىز گول شەشتى.
