فوتو: اشىق دەرەككوز
ونىڭ ايتۋىنشا, قازىر ەلىمىزدە الداعى كۇزگى-قىسقى كەزەڭگە دايىندىق جۇمىستارى اياقتالۋعا جاقىن. پاۆلودار وبلىسىندا جىلىتۋ ماۋسىمى الدەقاشان باستالىپ كەتكەن. الداعى كۇندەرى سولتۇستىك ايماقتاردا – سولتۇستىك قازاقستان, قاراعاندى جانە اقمولا وبلىستارىندا جىلۋ بەرۋ جۇمىستارى جولعا قويىلادى. قالعان وڭىرلەردە تۇرعىن ۇيلەر مەن الەۋمەتتىك نىساندارعا جىلۋ اۋا رايىنىڭ سالقىنداۋىنا قاراي بەلگىلەنگەن مەرزىمدە بەرىلەدى.
«ەلەكتر ستانتسيالارىنىڭ دايىندىعىنا كەلەر بولساق, الداعى جىلىتۋ ماۋسىمىنا دايىندىق اياسىندا جۇيەلىك وپەراتور بەكىتكەن كەستەگە سايكەس 10 ەنەرگوبلوكقا, 63 قازاندىققا, 39 تۋربيناعا جوندەۋ جۇمىستارى جوسپارلانعان. بۇگىنگى تاڭدا 6 ەنەرگوبلوك, 29 قازاندىق جانە 16 تۋربيناعا جوندەۋ جۇمىستارى اياقتالدى», دەدى ەرتاەۆ.
سونىمەن قاتار ەلەكتر جەلىلەرى مەن ينفراقۇرىلىم دا رەتكە كەلتىرىلىپ جاتىر. بارلىعى 17 مىڭ شاقىرىم جەلى مەن 420 قوسالقى ستانتسيانى جوندەۋ جوسپارلانعان بولسا, بۇگىنگى كۇنگە دەيىن 16 مىڭ شاقىرىمنان استام ەلەكتر جەلىسى (جىلدىق جوسپاردىڭ 94%-ى) جانە 373 قوسالقى ستانتسيا (89%-ى) جاڭارتىلعان. بارلىق جۇمىستار بەكىتىلگەن كەستەگە سايكەس جۇرگىزىلىپ جاتىر.
ەرجان ەرتاەۆ اتاپ وتكەندەي, كوميتەتتىڭ اۋماقتىق دەپارتامەنتتەرى اپتا سايىن وڭىرلەرگە شىعىپ, ەنەرگەتيكالىق كاسىپورىندارداعى دايىندىق بارىسىنا تۇراقتى تۇردە باقىلاۋ جاساپ كەلەدى.
