جيىندا ىشكى ىستەر ءمينيسترىنىڭ ءبىرىنشى ورىنباسارى باۋىرجان الەنوۆتىڭ ناشاقورلىققا قارسى ءىس-قيمىل شارالارىن ىسكە اسىرۋ قورىتىندىلارى تۋرالى ەسەبى تىڭدالدى. بۇدان بولەك, 2026–2028 جىلدارعا ارنالعان ناشاقورلىققا جانە ەسىرتكى بيزنەسىنە قارسى كۇرەس جونىندەگى كەشەندى جوسپاردىڭ جوباسى ۇسىنىلدى.
تالقىلاۋ بارىسىندا كەڭەس مۇشەلەرى مەن جاستار ۇيىمدارىنىڭ جەتەكشىلەرى ناشاقورلىقتىڭ الدىن الۋ جانە وعان قارسى ءىس-قيمىل ماسەلەلەرىنە قاتىستى وي-پىكىرلەرى مەن ۇسىنىستارىن ايتتى.
ەرلان قارين بۇگىندە ناشاقورلىققا قارسى كۇرەس جۇمىستارى جۇيەلى تۇردە جۇرگىزىلىپ جاتقانىن ءارى قازىردىڭ وزىندە ناقتى ناتيجەلەر بايقالىپ وتىرعانىن اتاپ ءوتتى.
مەملەكەتتىك كەڭەسشى ناشاقورلىققا قارسى كۇرەس ءاردايىم پرەزيدەنتتىڭ ەرەكشە نازارىندا ەكەنىن ەسكە سالدى. سونداي-اق قاۋىپسىزدىك كەڭەسىنىڭ سوڭعى وتىرىسىندا مەملەكەت باسشىسى ەسىرتكىنى تاراتپاۋعا باعىتتالعان كەشەندى شارالار قابىلداۋدى جانە بۇل ىسكە جاستار ۇيىمدارى مەن ەرىكتىلەردى تارتۋدى تاپسىرعانىن جەتكىزدى.
سونىمەن قاتار ەرلان قارين ناشاقورلىققا قارسى كۇرەستە مەملەكەتتىك ورگاندار مەن قوعامدىق ۇيىمداردىڭ بىرلەسكەن كۇش-جىگەرى ارقىلى عانا وڭ ناتيجەگە قول جەتكىزۋگە بولاتىنىن اتاپ ءوتتى.
وتىرىس قورىتىندىسى بويىنشا ناقتى ۇسىنىمدار ازىرلەنىپ, كوتەرىلگەن ماسەلەلەر تۋرالى مەملەكەتتىك ورگاندارعا ارنايى تاپسىرمالار بەرىلدى.
