اۋىل شارۋاشىلىعى سالاسىندا 2025 جىلعى 8 ايدىڭ قورىتىندىسىندا جالپى ءونىم 3,4%-عا ارتتى. شامامەن 3,6 ترلن تەڭگە. 9 ايداعى بولجاممەن تاعى 2,3%-عا وسۋگە ءتيىس. ءوسۋ ديناميكاسى مال شارۋاشىلىعى (+3,2%, 2,26 ترلن تەڭگە) مەن وسىمدىك شارۋاشىلىعىندا جوعارى (+4%, 1,25 ترلن تەڭگە). بۇدان كەيىن قازان ايىندا ءداندى, مايلى جانە باسقا دا داقىلدى جيناۋدىڭ جالپى ەسەبىنەن دە ءونىم كولەمى ارتۋعا ءتيىس.
قايتا وڭدەۋ جانە تاماق ونەركاسىبىندە ازىق-ت ۇلىك ءوندىرىسى 8 ايدا 10,1%-عا (2,5 ترلن تەڭگەگە جەتتى), سۋسىن ءوندىرىسى 7,1%-عا (813 ملرد تەڭگە) ءوستى.
بۇل باعىتتا كورسەتكىشتىڭ جاقسارۋىنا قانت (24%-عا, 122,8 مىڭ تونناعا دەيىن), ەت كونسەرۆىسى (29,7%-عا, 5,8 مىڭ تونناعا دەيىن), وسىمدىك مايى (27%-عا, 595 مىڭ تونناعا دەيىن), شۇجىق ءونىمى (8,8%-عا, 51,2 مىڭ تونناعا دەيىن), سارى ماي (15%-عا, 25,2 مىڭ تونناعا دەيىن) ءوندىرىسىنىڭ ارتۋى سەپتىگىن تيگىزدى. ەندى 9 ايدىڭ قورىتىندىسىندا ازىق-ت ۇلىك ءوندىرىسى 10,9%-عا, سۋسىندار 7%-عا وسەدى دەپ بولجانىپ وتىر.
تاۋ-كەن ونەركاسىبى سالاسىندا دا ءونىمدى جۇمىس جۇرگىزىلۋدە. قاڭتار–تامىز ايلارى ارالىعىندا 67,4 ملن توننا مۇناي ءوندىرىلدى بۇل بىلتىرعى جىلدىڭ سەگىز ايىمەن سالىستىرعاندا 13,4%-عا جوعارى. تەڭىزدە مۇناي ءوندىرۋ ىسىندە دە ايتارلىقتاي ءوسۋى بايقالادى. قاراشىعاناقتا وسى ۋاقىت ىشىندە 8,38 ملن توننا (+4,6%) ءوندىرىلدى. قاشاعاندا ءوندىرىس 1,9%-عا, 12,16 ملن تونناعا دەيىن تومەندەدى. ءوندىرىستىڭ تومەندەۋىنە جوندەۋ جۇمىسى ايتارلىقتاي اسەر ەتكەن.
بيىلعى 9 ايدا مۇناي ءوندىرۋ 75,6 ملن تونناعا (+13%), ال گاز ءوندىرۋ – 51,6 ملرد تەكشە مەترگە (+17%) جەتۋگە ءتيىس. گاز ءوندىرۋ 2025 جىلعا ارنالعان جوسپاردا – 62,8 ملرد تەكشە مەتر (+6,4%). سەگىز ايداعى مۇناي وڭدەۋ 12,2 ملن توننا (+5,6%), قىركۇيەكتىڭ سوڭىنا قاراي 14 ملن توننا (+5,9%) بولۋعا ءتيىس. مۇناي ءونىمىن ءوندىرۋ سەگىز ايدا – 10,2 ملن توننا (+8,7%), ءبىر جىلدا – 13,7 ملن تونناعا جەتۋى كەرەك. مۇناي-گاز حيمياسى: 418,9 مىڭ توننا (+5%), ءبىر جىلعا بولجام – 590 مىڭ توننا (+9,3%).
ساۋدا-ساتتىق سالاسىندا دا وڭ ءوسىم بايقالدى. 8 ايداعى ساۋدا 8,9%-عا ءوسىپ, 44,9 ترلن تەڭگەنى قۇرادى. بۇل وتكەن جىلمەن سالىستىرعاندا 14%-عا جوعارى. نەگىزگى ۇلەس الماتى (15,5 ترلن تەڭگە), استانا (6,6 ترلن), اتىراۋ (4,8 ترلن), قاراعاندى (2,8 ترلن) وبلىستارى جانە شىمكەنت (2,2 ترلن) قالالارىنا تيەسىلى. ءوسۋ نەگىزىنەن كوتەرمە ساۋدا ەسەبىنەن قامتاماسىز ەتىلدى (+3,5 ترلن تەڭگە, وتكەن جىلعا 109,8%). ونىڭ شىندە ازىق-ت ۇلىككە جاتپايتىن تاۋاردىڭ ۇلەسى 80%-دان 82%-عا دەيىن ءوستى (مۇناي جانە مۇناي ونىمدەرى, فارماتسەۆتيكا, مەتاللۋرگيا, تەحنيكا, اۆتوكولىك). ازىق-ت ۇلىك تاۋارىنىڭ ۇلەسى 18% (استىق, مايلار, تاماق ءونىمى, سۋسىن).
بولشەك ساۋدادا قۇرىلىم ساقتالدى: 68% ازىق-ت ۇلىككە جاتپايتىن تاۋاردان (+1,4 ترلن), 32% – ازىق-ت ۇلىك تاۋارىنان (+0,6 ترلن) ءتۇسىم بولعان.
كولىك جانە لوگيستيكا, ونىڭ ىشىندە كولىك سالاسى ەكونوميكا جاي-كۇيىنىڭ دالمە-ءدال كورسەتكىشى ىسپەتتى. قاڭتار-تامىزدا كولىك جانە قويما سالاسىندا كورسەتىلگەن قىزمەت كولەمى 21,5%-عا ارتقان. بيىلعى 9 ايعا بولجامدا – 21,6%-عا وسپەك. تاۋ-كەن-مەتاللۋرگيا, مۇناي-گاز, اگرارلىق, قۇرىلىس جانە ساۋدا سەكتورىندا جۇك تاسىمالىنىڭ قارقىن الۋ كورسەتكىشتىڭ جاقسارۋىنا اسەر ەتتى.
قىركۇيەكتىڭ سوڭىنا دەيىن, ياعني بيىلعى 9 ايدا جولاۋشى تاسىمالى +7,8% (1,36 ملرد ادام) بولۋى مۇمكىن. جۇك جونەلتۋدەگى وسىمگە ERG (+3%), بوگاتىر كومىر (+2%), ءموز (+3%), Qarmet (+11%), Kaz Minerals (+1%) سىندى ىرگەلى كاسىپورىندار وراسان ۇلەس قوستى.
وڭدەۋ ونەركاسىبىندە قاڭتار-تامىز ارالىعىنداعى ءوسۋ كورسەتكىشى – 6,1%. مەتاللۋرگيا, ماشينا جاساۋ, حيميا, جەڭىل ونەركاسىپ, قۇرىلىس ماتەريالى, رەزەڭكە-پلاستيكالىق بۇيىم, جيھاز وندىرىسىندە وڭ ديناميكا ساقتالۋدا.
قۇرىلىس ورىسىندە بيىلعى قاڭتار-تامىز ايلارى ارالىعىندا 4,8 ترلن تەڭگەنىڭ جۇمىسى ورىندالدى (نكي 118,1%). 9 ايعا بولجام – 17,7%-عا جەتۋ.
شتاب وتىرىسىنىڭ قورىتىندىسىندا سەرىك جۇمانعارين تاياۋ كەزەڭدەگى بارلىق سالالاردىڭ نەگىزگى مىندەتى ميكروەكونوميكانى نىعايتۋ ەكەنىن اتاپ ءوتتى. ياعني ءوسۋ قارقىنىنىڭ تومەندەۋىنە جول بەرمەۋ ءۇشىن سالاداعى ءاربىر كاسىپورىننىڭ ماسەلەلەرىن دەر ۋاقىتىندا وڭتايلى شەشۋ قاجەتتىگىن ەسكەرتتى.
