فوتو: aigak.kz
سونداي-اق شارۋالارعا جەڭىلدەتىلگەن باعامەن 422 مىڭ توننا ديزەل ۇلەستىرىلگەن. جانار-جاعارمايدىڭ قوسىمشا كولەمى استىقتى كەپتىرۋگە قاراستىرىلعان.
«ەگىن جيناۋ كەزەڭىندە جاۋىن-شاشىنعا بايلانىستى استىقتى كەپتىرۋگە 39,9 مىڭ توننا ديزەل وتىنى ءبولىندى. سونداي-اق ەلەۆاتورلار ءۇشىن 16,4 مىڭ توننا كولەمىندە سۇيىتىلعان گازعا قاجەتتىلىك انىقتالدى», دەدى ايداربەك ساپاروۆ.
سونىمەن قاتار مەملەكەت باسشىسىنىڭ تاپسىرماسى بويىنشا قاراشا ايىندا 2026 جىلعى كوكتەمگى ەگىس جۇمىستارىن ەرتە قارجىلاندىرۋ ىسكە قوسىلادى. بۇگىندە 8 مىڭنان استام اۋىل شارۋاشىلىعى تەحنيكاسىن ساتىپ الۋعا 253 ملرد تەڭگەگە ءوتىنىم بەرىلگەن.
سونداي-اق مينيستر ەلىمىزدەگى ەگىن جيناۋ ناۋقانى بارىسىن جانە 10,2 ملن گەكتاردان 15,5 ملن توننا استىق باستىرىلعانىن ايتتى. جينالاتىن 24 ملن استىق ەلدىڭ ىشكى قاجەتتىلىكتەرىن تولىق قامتىپ, ەكسپورتتىق الەۋەتتى ساقتاۋعا دا مۇمكىندىك بەرەدى دەپ بولجانىپ وتىر.
«قازىردىڭ وزىندە 700 مىڭ توننا مايلى داقىلدار جينالدى. جالپى, بيىل مايلى داقىل تۇقىمىنىڭ شامامەن 4 ملن توننا كولەمىندە رەكوردتىق ءتۇسىمى كۇتىلۋدە. سونداي-اق 1,8 ملن توننا كارتوپ, 2,9 ملن توننا كوكونىس, 2,2 ملن توننا باقشا ونىمدەرى جينالدى», دەدى مينيستر.
