ءوز جازباسىندا مينيستر ءانشىنىڭ كاسىبي شەبەرلىگىن جوعارى باعالاپ, ءبىر عانا بايقاۋدىڭ ناتيجەسى ونەرپازدىڭ تالانتىنىڭ اۋقىمىن ايقىنداي المايتىنىن اتاپ ءوتتى.
- ءسىز ءبىز ءۇشىن ءاردايىم جەڭىمپازسىز. بايقاۋدا جوعارى دەڭگەيدە ونەر كورسەتتىڭىز. ارينە, جەڭىس تە, جەڭىلىس تە قاتار جۇرەدى. بىراق ءبىر بايقاۋ بارلىق ونەردىڭ ولشەمى ەمەس. ءسىزدىڭ ەرەك تالانتىڭىزدى ءبارىمىز قۇرمەت تۇتامىز. جارقىن جەڭىستەر ءالى دە الدا. سىزگە تەك مىقتى دەنساۋلىق, سارقىلماس كۇش-جىگەر مەن شىعارماشىلىق تابىس تىلەيمىن!, - دەپ جازدى ۆەدومستۆو باسشىسى جەلىدەگى پاراقشاسىندا.
ءمينيستردىڭ جازباسى الەۋمەتتىك جەلى قولدانۋشىلارى اراسىندا قىزۋ تالقىلاۋعا سەبەپ بولدى. كوپشىلىك قولداۋ سوزدەرىنە ءۇن قوسىپ, امىرەنىڭ شىعارماشىلىعى ەلىمىزدىڭ مادەني ومىرىندە الدەقاشان ءوز ورنىن العانىن, ال ونەرپازدىڭ ءوزى تاباندىلىق پەن ساحناعا ادالدىقتىڭ جارقىن ۇلگىسى بولىپ وتىرعانىن اتاپ ءوتتى.
