سەنبىلىككە قالا تۇرعىندارى, ەڭبەك ۇجىمدارى, مەملەكەتتىك ورگاندار قىزمەتكەرلەرى, شاعىن جانە ورتا بيزنەس وكىلدەرى (بازارلار, ساۋدا جانە ويىن-ساۋىق ورتالىقتارى, كافەلەر, مەيرامحانالار جانە ت.ب.), ۆولونتەرلەر, ءماسليحات دەپۋتاتتارى, ۇكىمەتتىك ەمەس ۇيىمدار, مادەنيەت جانە سپورت قايراتكەرلەرى, پيك (ميب) جانە باسقا دا ۇيىمدار قاتىسىپ جاتىر.
ەكولوگيالىق اكتسيا اياسىندا ەلوردادا سانيتارلىق تازالاۋ جۇمىسى جۇرگىزىلىپ جاتىر: نوسەر جانە ارىق جۇيەلەرىن تازارتۋ, كوشەلەردى, تروتۋارلاردى, اۋلالاردى, قوعامدىق كەڭىستىكتەردى جيناۋ جۇمىستارى قولعا الىندى. سونىمەن قاتار جاسىل جەلەكتەردى كۇتىپ-باپتاۋ جانە وتىرعىزۋ, ساۋدا نىساندارىنا ىرگەلەس اۋماقتاردى تازالاۋ, رۇقساتسىز قوقىس ۇيىندىلەرىن جويۋ سەكىلدى جۇمىستار جۇرگىزىلىپ جاتىر.
قالا تۇرعىندارى تازالىق پەن تارتىپكە بەلسەنە اتسالىسۋدا. بىرقاتار اۋلانىڭ تۇرعىندارى بىرلەسە شىعىپ, قالانىڭ تازالىعىنا اتسالىسىپ جاتىر.
«بۇگىنگى سەنبىلىك ادەتتەگى تازالىق ەمەس, شىن مانىندە اۋلا مەرەكەسىنە اينالدى. ءبىز بۇكىل وتباسىمىزبەن شىقتىق, كورشىلەر باس قوستىق, ءتىپتى بالالارىمىز دا كومەكتەستى.
وسىنداي ساتتەردە قالانىڭ بارشامىزعا ورتاق ءۇي ەكەنىن سەزەسىڭ, ونداعى ءتارتىپ ارقايسىمىزعا بايلانىستى. جۇمىستان كەيىن كورشىلەرمەن اڭگىمەلەسىپ, ازىلدەسىپ, اۋلادا وتىرىپ دەمالعان دا جاقسى ەكەن. مىنە, جايلى استانانى وسىلايشا بىرگە جاسايمىز», – دەدى سارىارقا اۋدانىنىڭ تۇرعىنى.
ماسشتابتى تازالىق جۇمىسى بارىسىندا ەلوردانىڭ بارلىق التى اۋدانىندا اعاش وتىرعىزۋ دا ۇمىت قالعان جوق.
ء«بىز قالانى كۇن سايىن تازا ۇستاۋعا تىرىسامىز, بىراق تۇرعىندار دا اتسالىسسا, ناتيجە ەكى ەسە بايقالادى», – دەدى كوممۋنالدىق قىزمەت ماماندارىنىڭ ءبىرى.
ايتا كەتەيىك, ەلوردادا 13 قىركۇيەكتەن 11 قازانعا دەيىن ءداستۇرلى ەكولوگيالىق ايلىق «تازا قازاقستان: تازا استانا» ءوتىپ جاتىر.
