بۇگىندە قارجى مينيسترلىگىنىڭ اقپاراتتىق جۇيەلەرى سالىقتىق ءارى كەدەندىك اكىمشىلەندىرۋدى, قازىناشىلىقتى, مەملەكەتتىك ساتىپ الۋدى, ستراتەگيالىق جوسپارلاۋ مەن ءاۋديتتى قامتيدى. مۇنىڭ ىشىندەگى نەگىزگىلەرى – Smart Data Finance (SDF), سالىقتى اۆتوماتتى تۇردە ەسەپتەۋگە ارنالعان دەرەكتەردىڭ اۋقىمدى بازاسى.
SDF-تە 1,9 ملن جەكە كاسىپكەر, 584 مىڭ زاڭدى تۇلعا, 20,4 ملن جەكە تۇلعا تۋرالى مالىمەت بار. مۇندا سالىق تولەۋشىنىڭ ساندىق ءپروفيلى قالىپتاستىرىلادى. اتاپ كورسەتكەندە م ۇلىك, جۇمىس ورنى, سالىق تولەۋ, ااك الۋشىنىڭ مارتەبەسى تۋرالى اقپارات. زاڭدى تۇلعالاردا قوسىمشا ەڭبەكاقى تولەۋ قورى, قىزمەتكەرلەر سانى, سالىق ەسەپتىلىگىنىڭ ءارى ەلەكتروندىق شوت-فاكتۋرالاردىڭ تاريحى تىركەلەدى.
جۇيە كومپانيالاردىڭ ىسكەرلىك بەلسەندىلىگىن تالداۋعا, ولاردىڭ يەلەرى اراسىنداعى بايلانىستاردى 15 ۇرپاققا دەيىن ەلەستەتۋگە مۇمكىندىك بەرەدى. تۇساۋكەسەردە ءبىر قۇرىلىس كومپانياسى سالىقتى وڭتايلاندىرۋ ءۇشىن پايدالاناتىن بولشەكتەۋ سحەماسىن كورسەتتى.
سونداي-اق بۋكمەكەرلىك كەڭسەلەر بويىنشا مالىمەتتەردى تالداۋدىڭ فۋنكتسيونالى كورسەتىلدى. بازادا ەلىمىزدە جۇمىس ىستەپ تۇرعان بارلىق كەڭسەنىڭ دەرەگى بار. ونلاين رەجىمدە جۇيە كۇن سايىن وتانداستارىمىز جاسايتىن مولشەرلەمەلەردەگى قاراجات اينالىمىن كورۋگە مۇمكىندىك بەرەدى.
قارجى مينيسترلىگىنىڭ اج دامۋىنىڭ تاعى ءبىر كورسەتكىشى – مەملەكەتتىك قارجىنىڭ تسيفرلىق كارتاسى نەمەسە ء«بىر شىنىاياق كوفە» – سالىق جۇيەسىنە قوسىلعان باقىلاۋ-كاسسا ماشينالارىنىڭ (بكم) دەرەكتەرىن ۆيزۋاليزاتسيالاۋ جوباسى. جوبا بكم ارقىلى تىركەلگەن ساتىپ الۋلاردى ساتتە بەينەلەيتىن سالىق جۇيەسىنىڭ مۇمكىندىگىن كورسەتەدى. جۇيە ساتىپ الىنعان زات سوماسىن, كۇنىن, ۋاقىتىن جانە ورنىن, مەيلى ول ءبىر شىنىاياق كوفە بولسىن, نە سۋپەرماركەتتەن ساتىپ العان تاۋار بولسىن, بەلگىلەنىپ كورسەتەدى. وسى اقپارات نەگىزىندە وڭىرلەر بويىنشا دا, ءاربىر سالىق تولەۋشى بويىنشا دا كاسسالىق ءتارتىپ سارالانادى.
مەملەكەتتىك قارجىنىڭ تسيفرلىق كارتاسى وڭىرلەردىڭ ناقتى ۋاقىتتاعى كىرىستەرى مەن شىعىستارىن ۆيزۋاليزاتسيالاۋعا كومەكتەسەدى. جۇيەدە 1,1 ملن بكم بويىنشا دەرەكتەر كورسەتىلەدى. سالىقتىق اكىمشىلەندىرۋدىڭ تيىمدىلىگىن ارتتىرۋ ءۇشىن ە-تامگا, يسنا, كەden جۇيەلەرى ىسكە قوسىلدى.
ە-تامگا – ققس بالانسىن ەسەپتەۋ ءارى ققس سالىق تولەۋشىلەردى توقساندىق اعىمداعى بالانس تۋرالى ونلاين حاباردار ەتۋ. نەگىزگى مىندەت – سالىقتاردى وڭتايلاندىرۋ كەزىندە قولدانىلاتىن جالعان مامىلەلەردىڭ الدىن الۋ.
يسنا – جەتى ەسكىرگەن شەشىمدى بىرىڭعاي پلاتفورماعا بىرىكتىرگەن جانە كاسىپكەرلەرگە تولىق سالىقتىق قولداۋ كورسەتەتىن سالىقتىق اكىمشىلەندىرۋدىڭ ينتەگراتسيالانعان جۇيەسى.
كەden – كەدەندىك ۇدەرىستەردى اۆتوماتتاندىرىپ, سىرتقى ەكونوميكالىق قىزمەتكە قاتىسۋشىلاردىڭ قاشىقتىقتان ءوزارا ارەكەتتەسۋىن ەنگىزەدى. مۇندا جاساندى ينتەللەكت ەلەمەنتتەرى پايدالانىلادى.
مەملەكەتتىك جوسپارلاۋ جۇيەسىندە بيۋدجەتتىڭ شىعىس بولىگى تسيفرلاندىرىلعان. بارلىق مەملەكەتتىك ورگان وتىنىمدەردى ونلاين قالىپتاستىرىپ, كوممەرتسيالىق ۇسىنىستار مەن ورىندالعان جۇمىستاردىڭ اكتىلەرىن جۇكتەيدى. بۇل بيۋدجەت قاراجاتىن جۇمساۋدىڭ ءاربىر كەزەڭىن – جوسپارلاۋ مەن ساتىپ الۋدان باستاپ, تيىمدىلىكتى تالداۋعا دەيىن باقىلاۋعا مۇمكىندىك بەرەدى. مەملەكەتتىك قولداۋدى باقىلاۋ ءۇشىن الۋشىلارعا سكورينگ جۇرگىزەتىن جانە شارالاردىڭ تيىمدىلىگىن قاداعالايتىن Baqylauda تسيفرلىق سەرۆيسى ەنگىزىلدى.
سونداي-اق تاۋارلاردىڭ ۇلتتىق كاتالوگى ء(ونىمدى سايكەستەندىرۋ جانە ەسەپكە الۋ ءۇشىن بىرىڭعاي بازا), كاسىپكەردىڭ بىرىڭعاي جەكە كابينەتى (بيزنەسكە ارنالعان ء«بىر تەرەزە» پورتالى) تانىستىرىلدى. تۇساۋكەسەر قورىتىندىسى بويىنشا سەرىك جۇمانعارين بيزنەسكە ارنالعان جۇيەلەردىڭ قولايلىلىعىن ارتتىرۋ بويىنشا بىرنەشە ۇسىنىس بەردى.
