مۋرال قازاقستاندى – تاعدىرلار, مادەنيەتتەر مەن داستۇرلەر توعىسقان ءبىرتۇتاس ورنەك رەتىندە سيپاتتايدى. ءتۇرلى ەتنوستار ءبىر-بىرىمەن استاسىپ, مىزعىماس بايلانىس قۇرايدى. مۇندا ءار ءتۇس پەن ءار ورنەكتىڭ ماڭىزى بار, ويتكەنى ءدال وسى الۋاندىق ۇيلەسىمدىلىك پەن كۇش-قۋاتتى تۋدىرادى.
جوباعا «جۇمىسشى ماماندىقتارىنىڭ جىلى» اياسىندا ەرەكشە ءمان بەرىلدى: مۋرال – ەلدىڭ بۇگىنىن جانە بولاشاعىن قالىپتاستىراتىن ەڭبەك ادامدارىنا دەگەن قۇرمەتتىڭ بەلگىسى. سونداي-اق, جوبانى جۇزەگە اسىرۋعا بيىل 85 جىلدىعىن اتاپ ءوتىپ وتىرعان KLMZ كومپانياسىنىڭ قاتىسۋى دا سيمۆولدىق مانگە يە.
جوبا قازاقستان حالقى اسسامبلەياسىنىڭ, قاراعاندى وبلىسى اكىمدىگىنىڭ, KLMZ زاۋىتىنىڭ, ۋربانيستيكا ورتالىعىنىڭ, AiR_G سۋرەتشىلەرىنىڭ جانە «اسسامبلەيا جاستارى» رقب-نىڭ قولداۋىمەن ىسكە استى.
قحا-نىڭ 30 جىلدىعى اتالىپ ءوتىپ جاتقان بيىلعى جىلى بۇل مۋرال ايرىقشا مانگە يە. ول قالانىڭ ءسانىن كىرگىزەتىن ونەر تۋىندىسى عانا ەمەس, ەلىمىزدىڭ ورتاق بولاشاعىنا ءار ەتنوستىڭ قوسقان ۇلەسىن قۇرمەتپەن ەسكە سالاتىن, ديالوگ پەن سىيلاستىقتىڭ ماڭىزدى سيمۆولىنا اينالدى.
