فوتو: ەرلان ومار
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, تەك تامىز ايىنىڭ وزىندە 846,8 مىڭ ادام جالپى سوماسى 49,8 ملرد تەڭگە تولەم العان. ونىڭ ىشىندە:
- كوپ بالالى وتباسىلارعا جاردەماقى – 43,3 ملرد تەڭگە سوماسىندا 602,3 مىڭ وتباسى;
- ناگرادتالعان انالارعا جاردەماقى – 244,5 مىڭ ادامعا 6,5 ملرد.تەڭگە.
ەستەرىڭىزگە سالا كەتەيىك, كوپ بالالى وتباسىلارعا جاردەماقى بىرگە تۇراتىن ءتورت جانە ودان دا كوپ بالاسى بار وتباسىلارعا نەمەسە كۇندىزگى وقۋ نىسانىندا وقيتىن 23 جاسقا دەيىنگى ستۋدەنتتەرگە تابىسىنا قاراماستان تاعايىندالادى.
2025 جىلى تولەمدەر مولشەرى بالالاردىڭ سانىنا بايلانىستى:
- 4 بالاسى بار وتباسىلارعا – 16,03 اەك نەمەسە 63 030 تەڭگە;
- 5 بالاعا – 20,04 اەك نەمەسە 78 798 تەڭگە;
- 6 بالاعا – 24,05 اەك نەمەسە 94 565 تەڭگە;
- 7 بالاعا – 28,06 اەك نەمەسە 110 332 تەڭگە;
- 8 جانە ودان دا كوپ بالاسى بار وتباسىلارعا – ءار بالاعا 4 اەك نەمەسە 15 728 تەڭگە مولشەرىندە تولەندى.
ناگرادتالعان اناعا بەرىلەتىن جاردەماقى «التىن القا», «كۇمىس القا» القالارىمەن ناگرادتالعان نەمەسە بۇرىن «باتىر انا» اتاعىن العان, ءى جانە ءىى دارەجەلى «انا داڭقى» وردەندەرىمەن ناگرادتالعان انالارعا تاعايىندالادى.
اتالعان جاردەماقى اي سايىن كەلەسى مولشەردە تولەنەدى:
- «كۇمىس القا» القاسىمەن ناگرادتالعان انالارعا – 6,40 اەك نەمەسە 25 165 تەڭگە;
- «التىن القا» القاسىمەن ناگرادتالعان نەمەسە بۇرىن «باتىر انا» اتاعىن العان, ءى جانە ءىى دارەجەلى «انا داڭقى» وردەندەرىمەن ناگرادتالعان انالارعا – 7,40 اەك نەمەسە 29 097 تەڭگە.
