وسى جولعى سەزدە قازاقستاننىڭ باستاماسىمەن ءدىن مەن رۋحانيات ماسەلەلەرىن تالقىلاۋعا جاستاردىڭ دا تارتىلۋى – اسا قۇپتارلىق قادام. سەبەبى بۇل تاقىرىپتار – قازىرگى كۇننىڭ عانا ەمەس, بولاشاقتىڭ دا تاعدىرىنا تىكەلەي اسەر ەتەتىن ماڭىزدى سالالار. قازاقستان رۋحاني ماسەلەلەرگە ءۇستىرت قاراماۋعا شاقىرىپ قانا قويماي, وسى باعىتتاعى جاھاندىق سىن-تەگەۋرىندەرگە نازار اۋدارۋعا مۇمكىندىك بەرىپ وتىر. بۇل ەلدىڭ جوعارى دەڭگەيدەگى جاۋاپكەرشىلىگىن كورسەتەدى.
سەزد بارىسىندا بۇكىل الەم ەلدەرىنە ورتاق وزەكتى ماسەلەلەر, سونىڭ ىشىندە گازاداعى كۇردەلى گۋمانيتارلىق جاعداي دا كەڭىنەن كوتەرىلدى. بۇل تاقىرىپتى قوزعاعان كوپتەگەن ۇسىنىس ايتىلىپ, ورتاق شەشىمدەرگە ۇمتىلۋ بايقالدى. بۇل – ءدىن كوشباسشىلارى ءۇنىنىڭ الەمدىك بەيبىتشىلىك پەن ادىلەت جولىندا قانشالىقتى ماڭىزدى ەكەنىن كورسەتتى.
بۇگىندە قازاقستان ەتنوسارالىق جانە دىنارالىق ءوزارا سىيلاستىق ساياساتىن ءساتتى جۇرگىزىپ وتىرعان مەملەكەت رەتىندە بارشا الەمگە ۇلگى بولا الادى. مەملەكەت باسشىسى قاسىم-جومارت توقاەۆتىڭ سەزدىڭ پلەنارلىق وتىرىسىنا تىكەلەي قاتىسىپ, ءوز باستامالارىن قازاق, ورىس جانە اعىلشىن تىلدەرىندە بايانداۋى – قازاقستاننىڭ اشىقتىق پەن ديالوگكە نەگىزدەلگەن ساياسي جانە رۋحاني تاجىريبەسىنىڭ ءبىر كورىنىسى.
وسى سەزدەن تەرەڭ ماعلۇمات الدىق. مۇنداي تاجىريبە, اسىرەسە قازىرگى جاھاندىق سىن-قاتەرلەر جاعدايىندا اسا قۇندى. سوندىقتان قازاقستانعا جانە ونىڭ پرەزيدەنتىنە حالىقارالىق دىنارالىق ديالوگتى دامىتۋعا قوسقان زور ۇلەسى ءۇشىن شىنايى ريزاشىلىعىمدى بىلدىرەمىن.
ابدۋل-ۆاحيد نيازوۆ,
ەۋروپا مۇسىلماندارى فورۋمىنىڭ پرەزيدەنتى
