بۇل جيىننىڭ ماڭىزى قازىرگى جاھاندىق سىن-قاتەرلەر جاعدايىندا ودان ءارى ارتا تۇسەدى. ويتكەنى ءارتۇرلى دىندەر مەن داستۇرلەردىڭ, ەتنوستاردىڭ جانە الەۋمەتتىك توپتاردىڭ وكىلدەرىن ءبىر ارناعا توعىستىرىپ, سىندارلى ديالوگ جۇرگىزۋگە ىقپال ەتەدى. اشىقتىق پەن ءوزارا تۇسىنىستىككە نەگىزدەلگەن وسىنداي ورتا الەمدىك تۇراقتىلىق پەن بەيبىتشىلىكتى نىعايتۋعا ەرەكشە ۇلەس قوسادى.
قازاقستاننىڭ گەوساياسي جانە مادەني تۇرعىدان بۇل ميسسيانى ورىنداۋعا وتە قولايلى ورنالاسقانى ايقىن. ەلدىڭ ساياسي تۇراقتىلىعى, كوپەتنوستى جانە ءارتۇرلى ءدىني قۇرىلىمداردىڭ بىرەگەي ۇيلەسىمى قازاقستانعا حالىقارالىق ديالوگتى دامىتۋعا ەرەكشە جاعداي تۋعىزىپ وتىر. مۇنداي الەۋمەتتىك-مادەني ارتۇرلىلىك بىرلىك پەن ءوزارا تۇسىنىستىكتى نىعايتۋعا ىقپال ەتىپ, ءتۇرلى كونفەسسيالار مەن ەتنوستار اراسىنداعى ءتيىمدى قارىم-قاتىناستى قالىپتاستىرۋعا مۇمكىندىك بەرەدى. وسى تۇرعىدا قازاقستان الەمدىك جانە ءداستۇرلى دىندەر كوشباسشىلارىنىڭ كەزدەسۋىنە تاماشا الاڭ بولىپ وتىر. مەنىڭشە, بۇل مەيلىنشە ءوزارا تۇسىنىستىكتى, ىنتىماقتاستىقتى نىعايتۋعا قىزمەت ەتەدى.
سونىمەن قاتار قازىرگى جاھاندىق قاۋىمداستىق الدىندا تۇرعان كۇردەلى ماسەلەلەر – ەكسترەميزمنىڭ, دىنارالىق كيكىلجىڭدەردىڭ جانە گۋمانيتارلىق داعدارىستاردىڭ الدىن الۋ مەن شەشۋ جولىندا وسى سەز سەكىلدى ديالوگ الاڭدارىنىڭ ءرولى ەرەكشە ماڭىزدى. بۇل پلاتفورما ارقىلى ءدىني كوشباسشىلار عانا ەمەس, سونداي-اق ساياسي, الەۋمەتتىك جانە مادەني سالالاردىڭ وكىلدەرىن بىرىكتىرىپ, ناقتى ارەكەتتەر مەن بىرلەسكەن ستراتەگيالار قالىپتاستىرا الامىز.
مۇحاممەد ەلسانوۋسي,
ءدىني جانە ءداستۇرلى بىتىمگەرلەر جەلىسىنىڭ اتقارۋشى ديرەكتورى
