جيىن بارىسىندا اگروونەركاسىپ كەشەنى, فارماتسەۆتيكا مەن ازىق-ت ۇلىك ونەركاسىبى سياقتى بىرقاتار باسىم سالاداعى ينۆەستيتسيالىق باستامالاردى جۇزەگە اسىرۋدىڭ نەگىزگى ماسەلەلەرى قارالدى. وتىرىسقا قاتىسۋشىلار ينۆەستيتسيالار تۋرالى كەلىسىمدەردىڭ نەگىزگى شارتتارىن بەكىتتى. ولاردىڭ قاتارىندا Khan Tengri BioPharma, Asyl Sugar, Carlsberg Central Asia, Fabe-Agro كومپانيالارىنىڭ, سونداي-اق تۇركىستانداعى ماقتا ءوسىرۋ اگروونەركاسىپ كەشەنىنىڭ ينۆەستيتسيالىق باستامالارى بار.
فارماتسەۆتيكا
Khan Tengri BioPharma كومپانياسى بيوفارماتسەۆتيكالىق پرەپاراتتار وندىرەتىن زاۋىت سالۋ جوباسىن جۇزەگە اسىرادى. ينۆەستيتسيا كولەمى 103 ملرد تەڭگەدەن اساتىن بۇل جوبا ومىرلىك ماڭىزى بار دارىلىك زاتتاردى ءوندىرۋ بويىنشا ۇلتتىق قۋاتتاردى نىعايتۋعا 2h3 180-نەن استام جۇمىس ورنىن اشۋعا مۇمكىندىك بەرەدى.
اگروونەركاسىپ كەشەنى
اگروونەركاسىپ سالاسىندا Asyl Sugar كومپانياسى جىلىنا 200 مىڭ تونناعا دەيىن قانت ءوندىرۋ قۋاتى بار زاماناۋي قانت زاۋىتىن سالۋدى جوسپارلاپ وتىر. جوبا قانت قىزىلشاسىن تەرەڭ وڭدەۋگە, يمپورتتى الماستىرۋعا ءارى ەلىمىزدىڭ ستراتەگيالىق ازىق-ت ۇلىك ونىمدەرى بويىنشا ءوزىن-ءوزى قامتاماسىز ەتۋ دەڭگەيىن ارتتىرۋعا باعىتتالعان. جالپى ينۆەستيتسيا كولەمى – 72 ملرد تەڭگە.
Carlsberg Central Asia وندىرىستىك قۋاتىن جىلىنا 340 ملن ليترگە دەيىن ۇلعايتا وتىرىپ, سۋسىندار ءوندىرىسىن كەڭەيتۋ جوباسىن جۇزەگە اسىرادى. جوبا اياسىندا ەنەرگيا ۇنەمدەيتىن تەحنولوگيالار مەن جاڭا وندىرىستىك جەلىلەر ەنگىزىلەدى. بۇل باسەكەگە قابىلەتتى ءونىم شىعارۋ كولەمىن ارتتىرۋعا مۇمكىندىك بەرەدى. ينۆەستيتسيا كولەمى – 216 ملرد تەڭگە.
Fabe-Agro كومپانياسى جىلىنا 38 مىڭ توننا كوكونىس وڭدەۋ قۋاتى بار اگروونەركاسىپ كەشەنىن قۇرادى. كەشەننىڭ قۇرامىنا جەم-ءشوپ, وسىمدىك مايلارى جانە باسقا دا ونىمدەر ءوندىرىسى كىرەدى. بۇل شيكىزاتتى جەرگىلىكتى جەردە وڭدەۋدى دامىتۋعا ءارى يمپورتقا تاۋەلدىلىكتى ازايتۋعا ىقپال ەتەدى. ينۆەستيتسيا كولەمى – 68 ملرد تەڭگە.
تۇركىستانداعى ماقتا ءوسىرۋ اگروونەركاسىپ كەشەنى جىلىنا 121 مىڭ توننا وندىرىستىك قۋاتى بار ماقتانى تەرەڭ وڭدەۋ جوباسىن جۇزەگە اسىرادى. بۇل توقىما ونىمدەرىنە دەيىنگى تولىق تسيكلدى جولعا قويۋعا, جاڭا جۇمىس ورىندارىن اشۋعا جانە جەڭىل ونەركاسىپتىڭ دامۋىنا مۇمكىندىك بەرەدى. جالپى ينۆەستيتسيا كولەمى – 58 ملرد تەڭگە.
اتالعان جوبالاردىڭ بارلىعى ازىق-ت ۇلىك قاۋىپسىزدىگىن ارتتىرۋعا, اۋىل شارۋاشىلىعى ونىمدەرىن تەرەڭ وڭدەۋدى دامىتۋعا, يمپورتتى الماستىرۋعا ءارى قوسىلعان قۇنى جوعارى ءونىم شىعارۋعا باعىتتالعان.
تاماق ونەركاسىبى
وتىرىستا وسىلارعا قوسىمشا PepsiCo كومپانياسىنىڭ تۇزدى جەڭىل تاعامدار ءوندىرۋ جوباسىن ينفراقۇرىلىممەن قامتاماسىز ەتۋ ماسەلەسى قارالدى. مۇنداعى جوسپارلانعان وندىرىستىك قۋات جىلىنا 70 مىڭ توننا دايىن ءونىمدى, ال ينۆەستيتسيا كولەمى شامامەن 200 ملرد تەڭگەنى قۇرايدى. جوبا ازىق-ت ۇلىك ونىمدەرىنىڭ ەكسپورتتىق الەۋەتى مەن ءوندىرىسىن ەداۋىر كەڭەيتۋگە, جاڭا جۇمىس ورىندارىن اشۋعا جانە ەلدىڭ ازىق-ت ۇلىك ونەركاسىبىن دامىتۋعا مۇمكىندىك بەرەدى.
