فوتو: aa.com.tr
مالىمدەمەگە سايكەس, گازا قالاسى مەن وعان جاقىن اۋدانداردا بايلانىس قىزمەتتەرى توقتاعان. يزرايل قارۋلى كۇشتەرى ينتەرنەت پەن بايلانىستى قامتاماسىز ەتىپ وتىرعان نەگىزگى ماگيسترالدىق جەلىلەردى اتقىلاعاندىقتان, جۇيە جۇمىس ىستەمەي قالعان.
سوعان قاراماستان, ينجەنەرلىك توپتار جەلىنى قالپىنا كەلتىرۋ ءۇشىن ارەكەت ەتۋدە. الايدا كۋاگەرلەردىڭ ايتۋىنشا, گازا قالاسىنىڭ كوپ بولىگىندە ينتەرنەتكە قوسىلۋ مۇمكىن بولماي تۇر.
يزرايل تاراپى ءبىر تاۋلىك ىشىندە 50 اۋە سوققىسى جاسالعانىن حابارلاعان. نىسانالاردىڭ باسىم بولىگى قۇرلىقتاعى وپەراتسيا باستالعان گازا قالاسىنا باعىتتالعان.
سونىمەن قاتار, يزرايل كۇشتەرى بوسقىندار ورنالاسقان تۇرعىن ۇيلەر مەن كوپقاباتتى عيماراتتاردى قيراتقانى, ال بەيبىت حالىقتى وڭتۇستىككە كوشۋگە ماجبۇرلەۋگە تىرىسقانى ايتىلدى. اسكەريلەر وڭتۇستىكتە شاتىر, ازىق-ت ۇلىك پەن مەديتسينالىق كومەك بارىن العا تارتقان.
