يسپانيادا عالىمدار ادامنىڭ جاسىن ۇزارتاتىن ءدارى ويلاپ تاپتى

استانا. 6 تامىز. قازىرگى كۇندەرى الەمنىڭ عىلىمي ورتادا بۇرىن-سوڭدى بولماعان قىزۋ قارقىنمەن ادامنىڭ جاسىن 135-كە دەيىن جەتكىزۋگە مۇمكىندىك بەرەتىن جاستىق ەليكسيرىنىڭ ويلاپ تابىلعانى تۋرالى ماسەلە تالقىلانىپ جاتىر. بۇل تۋرادى «موسكۆا 24» تەلەارناسىنا سىلتەمە جاساعان ras.kz حابارلادى. وسىعان وراي جاڭالىقتى اشۋشى يسپان عالامدارى ادامزات بالاسىنىڭ ۇلى جاڭعىرتۋلار قارساڭىندا تۇرعانىن ايتادى. ادامدى مەرزىمىنەن بۇرىن قارتايتاتىن سيرەك اۋرۋلاردى زەرتتەپ جۇرگەن وۆەدو ۋنيۆەرسيتەتىنىڭ قىزمەتكەرلەرى ءوز جاڭالىقتارىن تىشقانداردى تاجىريبەدە قولدانۋ ارقىلى اشقان. ولار اتالمىش جاندىكتەرگە ەكسپەريمەنتى مولەكۋلالاردى ەگىپ كورگەندە, عالامات ناتيجەگە قول جەتكىزگەن – تىشقاندار جاسارىپ سالا بەرگەن. عالىمدار وسى جۇمىستىڭ بارىسىندا ستۆول جاسۋشالارىنىڭ پايدا بولۋىنا اسەر ەتەتىن بەلوك–رەتتەگىشتىڭ ارەكەتىن جاۋىپ تاستاۋدىڭ ورايى كەلگەن. ەندى تەك ادام ءومىرىن ۇلعايتاتىن ءدارىنى جەتىلدىرە ءتۇسۋ عانا قالىپ تۇر, دەپ حابارلايدى «موسكۆا 24» تەلەارناسى. تالعات رايىمبەك. دەرەك, سۋرەت: ras.kz.