«الماتى – وسكەمەن» اۆتوجولىنىڭ 35-شاقىرىمىندا, الاتاۋ اۋىلى ماڭىنداعى «ADC TAZA ALEM» جشس-ىنە تيەسىلى قاتتى تۇرمىستىق قالدىقتار پوليگونىندا ءورت شىقتى. جالپى اۋماعى 35 گەكتار بولاتىن پوليگوننىڭ شامامەن 10 گەكتار جەرىندە قوقىس جانعان.
قازىرگى تاڭدا تاۋلىك بويى ءورتتى ءسوندىرۋ جانە رەكۋلتيۆاتسيا جۇمىستارى جۇرگىزىلۋدە. قوسىمشا شارا رەتىندە «تەرەڭ قارا» كانالىنان 2000 مەترلىك ءورت ءسوندىرۋ رۋكاۆى ارقىلى موتوپومپامەن سۋ بەرىلىپ وتىر.
قىزىل جالىندى اۋىزدىقتاۋعا الماتى وبلىسىنىڭ تجد – 65 قىزمەتكەر, 15 تەحنيكا (6 اۆتوتسيستەرنا, 1 لافەتپەن جابدىقتالعان اۆتوتسيستەرنا, 1 ناسوستى رۋكاۆتى اۆتوموبيل, 3 ساموسۆال, 2 سۋ تاسۋشى كولىك, 1 كشم, 1 ۆاحتوۆكا) قاتىسۋدا.
سونداي-اق, الماتى قالاسىنىڭ تجد – 17 قىزمەتكەر, 5 تەحنيكا (4 اۆتوتسيستەرنا, 1 اسور) جانە 28237 اسكەري ءبولىمى (ۇزىناعاش) – 7 قىزمەتكەر, 7 تەحنيكا (1 بۋلدوزەر, 4 ساموسۆال, 1 ترال, 1 تيەگىش) جۇمىس ىستەۋدە.
جەرگىلىكتى اتقارۋشى ورگانداردىڭ – 10 قىزمەتكەرى, 19 تەحنيكاسى (15 ساموسۆال, 1 ەكسكاۆاتور, 1 تيەگىش, 2 سۋ تاسۋشى كولىك) تارتىلدى.
قازسەلدەنقورعاۋ مەكەمەسىنەن – 9 قىزمەتكەر, 9 تەحنيكا (6 ساموسۆال, 2 تيەگىش) اتسالىسۋدا.
مامانداردىڭ ايتۋىنشا, جاعداي تولىق باقىلاۋدا. وقيعا ورنىندا جۇمىستار جالعاسىپ جاتىر.
الماتى وبلىسى
