قارجى جانە تسيفرلىق اكتيۆتەر
جاڭا «بانكتەر تۋرالى» زاڭ نارىققا جاڭا قاتىسۋشىلاردى تارتۋدى جانە بانكتەردىڭ وتىمدىلىگىن ناقتى سەكتورعا باعىتتاۋدى كوزدەيدى. سونداي-اق, جوعارى تەحنولوگيالىق سالالارعا ۇلتتىق قوردان 1 ملرد اقش دوللارىنا دەيىن ينۆەستيتسيا بولىنەدى. الماتى ماڭىندا قۇرىلاتىن Alatau City ارنايى مارتەبەگە يە قارجىلىق-يننوۆاتسيالىق ورتالىققا اينالماق. وندا كريپتو-فيات ارنالار ەنگىزىلىپ, تسيفرلىق اكتيۆتەردىڭ تولىققاندى ەكوجۇيەسىن دامىتۋ ءۇشىن مەملەكەتتىك تسيفرلىق اكتيۆتەر قورى قۇرىلادى.
ونەركاسىپ جانە رەسۋرستار
ينفلياتسيانى تەجەۋ ءۇشىن رەتتەۋ شارالارى قايتا قارالىپ, وندىرىستىك بازا نىعايتىلادى. سيرەك مەتالداردى وڭدەۋ, كومىرسۋتەكتى تەرەڭ وڭدەۋ جوبالارى ىسكە قوسىلادى. گەولوگيالىق دەرەكتەردى تولىق تسيفرلاندىرۋ 2026 جىلعا دەيىن اياقتالماق.
«گەولوگيالىق دەرەكتەردى تسيفرلاندىرۋ جۇمىسى جالعاسادى. قازىرگى ۋاقىتتا ونىڭ 60%-ى تسيفرلاندىرىلعان. جۇمىستى تولىق اياقتاۋ 2026 جىلدىڭ سوڭىنا قاراي جوسپارلاندى. سونىمەن قاتار گەولوگيالىق دەرەكتەردى تولىق قامتۋ ءۇشىن جاساندى ينتەللەكتتى قولدانۋ ارقىلى Big Data اقپاراتتىق جۇيەسىن قۇرۋ جۇمىسى باستالدى», دەدى ۇكىمەت باسشىسىنىڭ ورىنباسارى.
اگروونەركاسىپ
اۋىل شارۋاشىلىعىندا ءۇش جىل ىشىندە 1,2 ترلن تەڭگەگە 200-دەن استام جوبا قارجىلاندىرىلادى. مال شارۋاشىلىعىن دامىتۋ جوسپارى جەڭىل نەسيە بەرۋ مەن «دامۋ» قورىنىڭ 80%-عا دەيىن كەپىلدىك جۇيەسىن قامتيدى. جەر رەسۋرستارىنىڭ بىرىڭعاي تسيفرلىق كارتاسى جاسالىپ, جەر ءبولۋ كونكۋرستارى تولىق ەلەكتروندى فورماتقا كوشەدى.
«وسى جىلدىڭ سوڭىنا دەيىن مال شارۋاشىلىعىنداعى اگروبيزنەستى دامىتۋدىڭ كەشەندى جوسپارى قابىلدانادى. ونىڭ شەڭبەرىندە 5%-دىق جەڭىل كرەديت بەرۋ باعىتى مەن كرەديتتىك ونىمدەر جەلىسىن كەڭەيتۋ جوسپارلانىپ وتىر», دەدى سەرىك جۇمانعارين.
ينفراقۇرىلىم جانە لوگيستيكا
«باقتى-اياگوز» تەمىرجولى مەن «سەكسەۋىل-بەينەۋ» اۆتوجولى سياقتى جوبالار ەلدىڭ كولىك الەۋەتىن كۇشەيتەدى. 2026 جىلعا قاراي Smart Cargo بىرىڭعاي كەدەندىك جۇيەسى ىسكە قوسىلىپ, ۇلتتىق اۋە جۇك تاسىمالداۋشى كومپانيا قۇرىلماق. بۇل شارالار جۇك تاسىمالى كولەمىن ەكى ەسەگە ارتتىرۋعا مۇمكىندىك بەرەدى.
«2026 جىلى Smart Cargo كەدەندىك جانە لوگيستيكالىق قىزمەتتەر كورسەتىلەتىن بىرىڭعاي تسيفرلىق جۇيەسى ەنگىزىلىپ, ۇلتتىق اۋە جۇك تاسىمالداۋشى كومپانياسى ىسكە قوسىلادى. قابىلدانعان بارلىق شارانى ەسكەرە وتىرىپ, قازاقستان ارقىلى جۇك تاسىمالداۋ كولەمى 2 ەسەگە ۇلعايادى دەپ كۇتىلۋدە», دەدى ۆيتسە-پرەمەر.
تۋريزم جانە تكش
الماتى تاۋ كلاستەرىن دامىتۋ ارقىلى شاڭعى كۋرورتتارىنىڭ وتكىزۋ قابىلەتى ءتورت ەسەگە ارتادى. تكش رەفورماسى تسيفرلىق شەشىمدەرگە جانە ەنەرگيا تيىمدىلىگىن ارتتىرۋعا نەگىزدەلەدى. سونىمەن قاتار, سۋ ساياساتى جاڭا دەڭگەيگە كوتەرىلەدى: 18 سۋ قويماسى مەن 14,5 مىڭ كم كانال قايتا جاڭارتىلىپ, 9 جاڭا سۋ قويماسى سالىنادى.
«تاۋ شاڭعىسى كۋرورتتارىنىڭ وتكىزۋ قابىلەتى 4 ەسەگە ارتادى. كۋرورتتىق ايماقتاردى كەڭەيتۋ مەن جابدىقتاۋ بويىنشا شارالاردى ىسكە اسىرۋ ىشكى ءتۋريزمدى دامىتۋعا قوسىمشا سەرپىن بەرەدى. ال تۇرعىن ءۇي-كوممۋنالدىق شارۋاشىلىق (تكش) جۇيەسىن رەفورمالاۋ تسيفرلىق شەشىمدەردى بەلسەندى ەنگىزۋ, ونىڭ قاتارىندا ەنەرگيا تيىمدىلىگىن ارتتىرۋ ارقىلى ىسكە اسىرىلاتىن بولادى. ىسكە قوسۋعا جوسپارلانعان بىرىڭعاي ۇلتتىق پلاتفورماسى قۇرىلىستىڭ بارلىق كەزەڭىندە جان-جاقتى ەسەپكە الۋدى, جوسپارلاۋدى ءارى مونيتورينگ جۇرگىزۋدى قامتاماسىز ەتۋگە مۇمكىندىك بەرەدى», دەدى ۇكىمەت باسشىسىنىڭ ورىنباسارى.
كاسىپكەرلىك جانە باسقارۋ
كۆازيمەملەكەتتىك سەكتور رەفورمالانىپ, «رەتتەۋشى ينتەللەكت ورتالىعى» جاساندى ينتەللەكت ارقىلى رەتتەۋدىڭ جاڭا ۇلگىسىن قالىپتاستىرادى. سالىقتىق اكىمشىلەندىرۋ دە AI-عا سۇيەنبەك. ال «مەملەكەتتىك م ۇلىك تۋرالى» زاڭ مەملەكەتتىڭ ەكونوميكاداعى ءرولىن قايتا انىقتايدى.
«ستراتەگيالىق جوسپارلاۋ جانە رەفورمالار اگەنتتىگىنىڭ بازاسىندا جاساندى ينتەللەكتىنى قولدانا وتىرىپ, رەتتەۋدى جاڭارتۋدىڭ نەگىزگى الاڭىنا اينالاتىن «رەتتەۋشى ينتەللەكت ورتالىعى» قۇرىلادى. سالىقتىق اكىمشىلەندىرۋ سالىق تولەۋشىنىڭ مۇددەسىن ەسكەرە وتىرىپ, جاساندى ينتەللەكت پەن باسقا دا وزىق تەحنولوگيالار قولدانۋ ارقىلى جۇزەگە اسادى. دامۋ ينستيتۋتتارى ءوز قىزمەتىن ناقتى سالالىق ماماندانۋىمەن ءارى ينۆەستيتسيالاۋعا ارنالعان مانداتىمەن جۇزەگە اسىرادى», دەدى سەرىك جۇمانعارين.
