فوتو: ۇكىمەت
پرەمەر-مينيستر جولاۋشىلار تاسىمالىن باقىلاۋ بويىنشا دا ءتيىمدى تەتىك جوق ەكەنىنە نازار اۋداردى. بۇل ماسەلە قالا ىشىندەگى جانە قالاارالىق باعىتتارعا دا قاتىستى بولىپ وتىر. وڭىرلەردە جولعا شىققان بالالاردى ارنايى كولىكپەن الىپ ءجۇرۋ ەرەجەسىنىڭ دە ساقتالمايتىنى ايتىلدى. ماسەلەن, وتكەن اپتادا عانا الماتى وبلىسىندا وقۋشىلار مىنگەن اۆتوبۋس اپاتقا ۇشىراعان.
ال جەكسەنبىگە قاراعان ءتۇننىڭ وزىندە جول اپاتتارىنىڭ سالدارىنان قاراعاندى وبلىسىندا 5 ادام, جەتىسۋ وبلىسىندا 10 ادام قازا تاپقان. جەتىسۋ وبلىسىنداعى جاعدايدا اپاتقا كىنالى ادام ءالى جۇرگىزۋشى كۋالىگىن دە الماعانى انىقتالعان.
«پرەزيدەنت زاڭدىلىق پەن ءتارتىپتى قامتاماسىز ەتۋ, قۇقىق بۇزۋشىلىقتارعا مۇلدەم توزبەۋشىلىك جانە جازانىڭ بۇلتارتپاس قاعيداتىن ساقتاۋ مىندەتىن قويدى. وسى باعىتتا, اسىرەسە, جول اپاتتارىنىڭ دەڭگەيىن تومەندەتۋ بويىنشا ناقتى شارالار قابىلداۋ قاجەت. ىشكى ىستەر مينيسترلىگى تاراپىنان ايتىلعان ۇسىنىستاردى قولدايمىز. ولاردى ىسكە اسىرۋعا بارلىق مەملەكەتتىك ورگاندار مەن جۇرتشىلىق وكىلدەرى تارتىلۋى ءتيىس», دەدى پرەمەر-مينيستر.
