جوبالىق قۇنى – 1,5 ميلليارد تەڭگە, جىلدىق قۋاتى – 14 مىڭ توننا
ۇدەمەلى يندۋستريالىق-يننوۆاتسيالىق دامۋ جونىندەگى ۇيلەستىرۋ كەڭەسىنىڭ قاراۋىنا يندۋستريالىق-يننوۆاتسيالىق دامۋ باسقارماسىنىڭ باسشىسى مارات ىسقاقوۆ بىرنەشە تىڭ جوبالار ۇسىنىپ, جۇمسالاتىن ينۆەستيتسيالىق قاراجات, قۋاتتىلىق, جۇمىسپەن قامتۋ كوزدەرىمەن تانىستىردى. ءسوز اراسىندا يندۋستريالاندىرۋ كارتاسىنا ەنگىزىلەتىن 70 جوباعا 100 ميلليارد تەڭگە مولشەرىندە قارجى باعىتتاۋ كوزدەلسە, 29 جوبانىڭ ماقۇلدانعانىن ايتا كەتكەن ءجون.
سونىمەن, ۇيلەستىرۋ كەڭەسىنىڭ تالقىسىنا تۇسكەن وزىق جوبالارعا كەزەك بەرەيىك. «پارىز-2014» بايقاۋىنىڭ باس جۇلدەگەرى سەرمۇحامەد ورال ۇلى كوپ جىلدان بەرى اعاش وڭدەۋ ىسىمەن اينالىسىپ, تۇتىنۋشىلارعا ءونىمنىڭ 40-تان استام تۇرلەرىن ۇسىنىپ كەلەدى. اعاش وڭدەۋ تسەحىنا وسى زامانعى قۇرال-جابدىقتار ورناتقاننان بەرى ەلىمىزدىڭ وزگە وڭىرلەرىنەن دە سۇرانىستىڭ كوبەيە تۇسكەنى بايقالادى. باسەكەلەستىككە توتەپ بەرەتىن ساپالى تاۋارلار ءوندىرۋدىڭ قىر-سىرىن ابدەن مەڭگەرىپ العاننان كەيىن كوپتەن بەرگى كوكەيىنە ءتۇيىپ جۇرگەن تاعى ءبىر ويىن جۇزەگە اسىرۋدى نيەت ەتكەن. ول شيكىزاتتى تەرەڭدەتە ءارى قالدىقسىز وڭدەۋ ءوندىرىس ورنىن قۇرۋ يدەياسى بولاتىن. ونىڭ بۇل ۇسىنىسىن كەڭەس مۇشەلەرى ۇلكەن قىزىعۋشىلىقپەن تىڭداپ, ءبىراۋىزدان قولداۋ ءبىلدىردى.
بىرىنشىدەن, وبلىستا ەكولوگيالىق تازا ءونىم شىعاراتىن مۇنداي كاسىپورىن جوق. ەكىنشىدەن, كەرەكسىز سانالىپ كەلگەن اعاش جاڭقالارى مەن بۇتاقتارى ەندى كادەگە جاراتىلادى. ۇشىنشىدەن, اعاش قالدىقتارىنان تاسۋعا دا, وتكىزۋگە دە ىڭعايلى وتىندىق بريكەت جاساۋ «جاسىل ەكونوميكا» باعدارلاماسى تالاپتارىمەن ىڭعايلاس. جوبا قۇنى 92 ميلليون تەڭگەنى قۇرايدى. جىلىنا 120 مىڭ تەكشە مەتر ءونىم وندىرۋگە قۋاتتى, دەدى ءوز سوزىندە ىسكەر كاسىپكەر. «احمۋددينوۆ» جەكە كاسىپكەرلىگىنىڭ گەرمانيالىق «Jensen» فيرماسىنان بيووتىن بريكەتتەرىن شىعاراتىن قوندىرعىلار ساتىپ الۋعا قارجىلىق قولداۋ جاساۋ جونىندەگى ءوتىنىشى قاناعاتتاندىرىلدى.
وبلىستا جەرگىلىكتى ماڭىزداعى جولدار قالپىنا كەلتىرۋدى قاجەت ەتەدى. ماسەلەن, 7530 شاقىرىم اۆتوموبيل جولدارىنىڭ جارتىسىنا جۋىعى سىن كوتەرمەيدى. سول سەبەپتى بولار, ۇسىنىلعان جوبالاردىڭ ىشىندەگى ەڭ الەۋەتتىسى سانالاتىن «يندورتەح» جشس ىسكە قوسۋدى جوبالاپ وتىرعان يننوۆاتسيالىق ماتەريالدار زاۋىتىنىڭ قۇرىلىسى يندۋستريالاندىرۋ كارتاسىنا بىردەن ەنگىزىلدى. جوبا جەتەكشىسى اناتولي تەحنەريادنوۆتىڭ ايتۋىنشا, نىسان پايدالانۋعا بەرىلسە, جوندەۋ جۇمىستارىنىڭ قۇنىن ارزانداتۋعا, پايدالانۋ مەرزىمىن 20 جىلعا دەيىن جەتكىزۋگە مۇمكىندىك تۋادى.
جول قۇرىلىسىنا قاجەتتى يننوۆاتسيالىق ماتەريالدار شىعاراتىن كەشەن وزىق تەحنولوگياعا نەگىزدەلگەن. جىلىنا جولداردىڭ ويقى-شويقى جەرلەرىن تەگىستەۋگە ارنالعان 45 تەحنيكا بىرلىگىن, 14 مىڭ توننا پوليمەر-بيتۋم ەمۋلسياسى مەن پوليمەر-بيتۋم شايىرىن ءوندىرىپ, 70 ادامدى جۇمىسقا ورنالاستىرۋعا قابىلەتتى. ينۆەستيتسيا كولەمى –1,5 ميلليارد تەڭگە. بۇعان قوسا الدىڭعى قاتارلى شەتەلدىك تاجىريبەلەردى كەڭىنەن قولدانۋ ماقساتىمەن عىلىمي-وندىرىستىك ورتالىق قىزمەتى ەنگىزىلمەك. وبلىس ورتالىعىنان 14 گەكتار جەردى پايدالانۋ قۇقىعى رەسىمدەلگەن. جيىندا ينجەنەرلىك-كوممۋنيكاتسيالىق جەلىلەر تارتۋعا كومەك بەرىلەتىنى, العاشقى قادامدى پەتروپاۆل حالىقارالىق اۋەجايىنىڭ ۇشۋ-قونۋ جولاعىن قالپىنا كەلتىرۋدەن باستاۋ قاجەتتىگى اتاپ كورسەتىلدى.
بۇگىندە قازاقستاندا 180 مىڭ توننا كارتون ەكسپورتقا شىعارىلادى ەكەن. الايدا بۇل كولەم ءالى جەتكىلىكسىز كورىنەدى. وسى ءبىر وسال تۇستى اتاپ كورسەتكەن «تورە-چينگيزيد ل.ت.د» كومپانياسىنىڭ قۇرىلتايشىسى يگور وۆچيننيكوۆ سميرنوۆو كەنتىندە ساباننان تسەلليۋلوزا مەن كارتون وندىرەتىن زاۋىت سالۋعا بەل بايلاعانىن جەتكىزدى. بۇل ماقسات ءۇشىن اۋداننىڭ تاڭداپ الىنۋى كەزدەيسوق بولماسا كەرەك. ينۆەستيتسيا كولىمى 650 ميلليون تەڭگە, جىلدىق قۋاتى 3500 توننا بولاتىن كاسىپورىننىڭ اۋىلدىق جەردە ورنىعۋىن ارزان شيكىزات كوزىمەن بايلانىستىرعان ءجون سياقتى. قازىرگى ۋاقىتتا جەر تەلىمىن رەسىمدەۋ, جاڭا نىساندى قارجىلاندىرۋ وڭ شەشىم تاپقان. ەندى «بيزنەستىڭ جول كارتاسى-2020» باعدارلاماسى شەڭبەرىندە قوسىمشا قارجىلاندىرۋ ءوتىنىشى قاناعاتتاندىرىلدى.
وزىق جوبالاردى ورنالاستىرۋ بويىنشا ينۆەستورلار مەن قارجىگەرلەردىڭ ەلدى مەكەندەرگە دە ۇمتىلىس تانىتۋى قۇپتارلىق. ماسەلەن, حامدي وزكارامان جەتەكشىلىك ەتەتىن «اربات اس» جشس ءوز بيزنەسىن تايىنشا اۋدانىندا دامىتقاندى قولايلى كورەتىن ءتارىزدى. ويتكەنى, اۋىلدىق جەرلەردە ءسۇت وندىرۋمەن اينالىساتىن كاسىپورىندار وڭىردە جوقتىڭ قاسى. كوبىنە ءسۇت ءونىمىن جيناپ, ءتيىستى ورىندارعا جەتكىزۋمەن عانا شەكتەلەدى. ول ءۇشىن بۇرىنعى اۋدان ورتالىعى كەللەروۆكا اۋىلىنداعى امبەباپ دۇكەننىڭ عيماراتى قالپىنا كەلتىرىلىپ, تۇركيادان الدىرىلعان قۇرال-جابدىقتار ورناتىلعان. 106 ميلليون تەڭگەنىڭ يندۋستريالىق جوباسى جىل اياعىنا دەيىن قولدانىسقا بەرىلسە, 50 ادام 120 توننا ىرىمشىك, سۇزبە, 240 توننا يوگۋرت وندىرۋمەن اينالىساتىن بولادى.
«ەدينستۆو» جشس-ءنىڭ جىلىنا 40 مىڭ شارشى مەتر تۇرعىن ءۇي تۇرعىزۋعا پايدالانىلاتىن قاڭقا-پانەلدى, تەمىر-بەتون بۇيىمدارىن, «ۋنيۆەرسال» فيرماسىنىڭ اسفالت-بەتون قوسپاسىن شىعارۋ جونىندەگى جوبالار دا ماقۇلداندى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
ۇدەمەلى يندۋستريالىق-يننوۆاتسيالىق دامۋ جونىندەگى ۇيلەستىرۋ كەڭەسىنىڭ قاراۋىنا يندۋستريالىق-يننوۆاتسيالىق دامۋ باسقارماسىنىڭ باسشىسى مارات ىسقاقوۆ بىرنەشە تىڭ جوبالار ۇسىنىپ, جۇمسالاتىن ينۆەستيتسيالىق قاراجات, قۋاتتىلىق, جۇمىسپەن قامتۋ كوزدەرىمەن تانىستىردى. ءسوز اراسىندا يندۋستريالاندىرۋ كارتاسىنا ەنگىزىلەتىن 70 جوباعا 100 ميلليارد تەڭگە مولشەرىندە قارجى باعىتتاۋ كوزدەلسە, 29 جوبانىڭ ماقۇلدانعانىن ايتا كەتكەن ءجون.
سونىمەن, ۇيلەستىرۋ كەڭەسىنىڭ تالقىسىنا تۇسكەن وزىق جوبالارعا كەزەك بەرەيىك. «پارىز-2014» بايقاۋىنىڭ باس جۇلدەگەرى سەرمۇحامەد ورال ۇلى كوپ جىلدان بەرى اعاش وڭدەۋ ىسىمەن اينالىسىپ, تۇتىنۋشىلارعا ءونىمنىڭ 40-تان استام تۇرلەرىن ۇسىنىپ كەلەدى. اعاش وڭدەۋ تسەحىنا وسى زامانعى قۇرال-جابدىقتار ورناتقاننان بەرى ەلىمىزدىڭ وزگە وڭىرلەرىنەن دە سۇرانىستىڭ كوبەيە تۇسكەنى بايقالادى. باسەكەلەستىككە توتەپ بەرەتىن ساپالى تاۋارلار ءوندىرۋدىڭ قىر-سىرىن ابدەن مەڭگەرىپ العاننان كەيىن كوپتەن بەرگى كوكەيىنە ءتۇيىپ جۇرگەن تاعى ءبىر ويىن جۇزەگە اسىرۋدى نيەت ەتكەن. ول شيكىزاتتى تەرەڭدەتە ءارى قالدىقسىز وڭدەۋ ءوندىرىس ورنىن قۇرۋ يدەياسى بولاتىن. ونىڭ بۇل ۇسىنىسىن كەڭەس مۇشەلەرى ۇلكەن قىزىعۋشىلىقپەن تىڭداپ, ءبىراۋىزدان قولداۋ ءبىلدىردى.
بىرىنشىدەن, وبلىستا ەكولوگيالىق تازا ءونىم شىعاراتىن مۇنداي كاسىپورىن جوق. ەكىنشىدەن, كەرەكسىز سانالىپ كەلگەن اعاش جاڭقالارى مەن بۇتاقتارى ەندى كادەگە جاراتىلادى. ۇشىنشىدەن, اعاش قالدىقتارىنان تاسۋعا دا, وتكىزۋگە دە ىڭعايلى وتىندىق بريكەت جاساۋ «جاسىل ەكونوميكا» باعدارلاماسى تالاپتارىمەن ىڭعايلاس. جوبا قۇنى 92 ميلليون تەڭگەنى قۇرايدى. جىلىنا 120 مىڭ تەكشە مەتر ءونىم وندىرۋگە قۋاتتى, دەدى ءوز سوزىندە ىسكەر كاسىپكەر. «احمۋددينوۆ» جەكە كاسىپكەرلىگىنىڭ گەرمانيالىق «Jensen» فيرماسىنان بيووتىن بريكەتتەرىن شىعاراتىن قوندىرعىلار ساتىپ الۋعا قارجىلىق قولداۋ جاساۋ جونىندەگى ءوتىنىشى قاناعاتتاندىرىلدى.
وبلىستا جەرگىلىكتى ماڭىزداعى جولدار قالپىنا كەلتىرۋدى قاجەت ەتەدى. ماسەلەن, 7530 شاقىرىم اۆتوموبيل جولدارىنىڭ جارتىسىنا جۋىعى سىن كوتەرمەيدى. سول سەبەپتى بولار, ۇسىنىلعان جوبالاردىڭ ىشىندەگى ەڭ الەۋەتتىسى سانالاتىن «يندورتەح» جشس ىسكە قوسۋدى جوبالاپ وتىرعان يننوۆاتسيالىق ماتەريالدار زاۋىتىنىڭ قۇرىلىسى يندۋستريالاندىرۋ كارتاسىنا بىردەن ەنگىزىلدى. جوبا جەتەكشىسى اناتولي تەحنەريادنوۆتىڭ ايتۋىنشا, نىسان پايدالانۋعا بەرىلسە, جوندەۋ جۇمىستارىنىڭ قۇنىن ارزانداتۋعا, پايدالانۋ مەرزىمىن 20 جىلعا دەيىن جەتكىزۋگە مۇمكىندىك تۋادى.
جول قۇرىلىسىنا قاجەتتى يننوۆاتسيالىق ماتەريالدار شىعاراتىن كەشەن وزىق تەحنولوگياعا نەگىزدەلگەن. جىلىنا جولداردىڭ ويقى-شويقى جەرلەرىن تەگىستەۋگە ارنالعان 45 تەحنيكا بىرلىگىن, 14 مىڭ توننا پوليمەر-بيتۋم ەمۋلسياسى مەن پوليمەر-بيتۋم شايىرىن ءوندىرىپ, 70 ادامدى جۇمىسقا ورنالاستىرۋعا قابىلەتتى. ينۆەستيتسيا كولەمى –1,5 ميلليارد تەڭگە. بۇعان قوسا الدىڭعى قاتارلى شەتەلدىك تاجىريبەلەردى كەڭىنەن قولدانۋ ماقساتىمەن عىلىمي-وندىرىستىك ورتالىق قىزمەتى ەنگىزىلمەك. وبلىس ورتالىعىنان 14 گەكتار جەردى پايدالانۋ قۇقىعى رەسىمدەلگەن. جيىندا ينجەنەرلىك-كوممۋنيكاتسيالىق جەلىلەر تارتۋعا كومەك بەرىلەتىنى, العاشقى قادامدى پەتروپاۆل حالىقارالىق اۋەجايىنىڭ ۇشۋ-قونۋ جولاعىن قالپىنا كەلتىرۋدەن باستاۋ قاجەتتىگى اتاپ كورسەتىلدى.
بۇگىندە قازاقستاندا 180 مىڭ توننا كارتون ەكسپورتقا شىعارىلادى ەكەن. الايدا بۇل كولەم ءالى جەتكىلىكسىز كورىنەدى. وسى ءبىر وسال تۇستى اتاپ كورسەتكەن «تورە-چينگيزيد ل.ت.د» كومپانياسىنىڭ قۇرىلتايشىسى يگور وۆچيننيكوۆ سميرنوۆو كەنتىندە ساباننان تسەلليۋلوزا مەن كارتون وندىرەتىن زاۋىت سالۋعا بەل بايلاعانىن جەتكىزدى. بۇل ماقسات ءۇشىن اۋداننىڭ تاڭداپ الىنۋى كەزدەيسوق بولماسا كەرەك. ينۆەستيتسيا كولىمى 650 ميلليون تەڭگە, جىلدىق قۋاتى 3500 توننا بولاتىن كاسىپورىننىڭ اۋىلدىق جەردە ورنىعۋىن ارزان شيكىزات كوزىمەن بايلانىستىرعان ءجون سياقتى. قازىرگى ۋاقىتتا جەر تەلىمىن رەسىمدەۋ, جاڭا نىساندى قارجىلاندىرۋ وڭ شەشىم تاپقان. ەندى «بيزنەستىڭ جول كارتاسى-2020» باعدارلاماسى شەڭبەرىندە قوسىمشا قارجىلاندىرۋ ءوتىنىشى قاناعاتتاندىرىلدى.
وزىق جوبالاردى ورنالاستىرۋ بويىنشا ينۆەستورلار مەن قارجىگەرلەردىڭ ەلدى مەكەندەرگە دە ۇمتىلىس تانىتۋى قۇپتارلىق. ماسەلەن, حامدي وزكارامان جەتەكشىلىك ەتەتىن «اربات اس» جشس ءوز بيزنەسىن تايىنشا اۋدانىندا دامىتقاندى قولايلى كورەتىن ءتارىزدى. ويتكەنى, اۋىلدىق جەرلەردە ءسۇت وندىرۋمەن اينالىساتىن كاسىپورىندار وڭىردە جوقتىڭ قاسى. كوبىنە ءسۇت ءونىمىن جيناپ, ءتيىستى ورىندارعا جەتكىزۋمەن عانا شەكتەلەدى. ول ءۇشىن بۇرىنعى اۋدان ورتالىعى كەللەروۆكا اۋىلىنداعى امبەباپ دۇكەننىڭ عيماراتى قالپىنا كەلتىرىلىپ, تۇركيادان الدىرىلعان قۇرال-جابدىقتار ورناتىلعان. 106 ميلليون تەڭگەنىڭ يندۋستريالىق جوباسى جىل اياعىنا دەيىن قولدانىسقا بەرىلسە, 50 ادام 120 توننا ىرىمشىك, سۇزبە, 240 توننا يوگۋرت وندىرۋمەن اينالىساتىن بولادى.
«ەدينستۆو» جشس-ءنىڭ جىلىنا 40 مىڭ شارشى مەتر تۇرعىن ءۇي تۇرعىزۋعا پايدالانىلاتىن قاڭقا-پانەلدى, تەمىر-بەتون بۇيىمدارىن, «ۋنيۆەرسال» فيرماسىنىڭ اسفالت-بەتون قوسپاسىن شىعارۋ جونىندەگى جوبالار دا ماقۇلداندى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
