فوتو: ماڭعىستاۋ وبلىسى اكىمىنىڭ ءباسپاسوز قىزمەتى
فورۋمدا ازاماتتىق قوعامنىڭ قۇقىقتىق مادەنيەتتى قالىپتاستىرۋداعى, قوعامدىق ءتارتىپ پەن زاڭ ۇستەمدىگىن قامتاماسىز ەتۋدەگى ءرولى تالقىلاندى.
باعدارلاما اياسىندا شەبەرلىك ساباقتارى, پىكىرتالاس الاڭدارى جانە الەۋمەتتىك جوبالاردىڭ كورمەسى وتكىزىلگەن. كەزدەسۋ بارىسىندا قۇقىقتىق ساۋاتتىلىقتى ارتتىرۋ, ازاماتتاردىڭ ەڭبەك قۇقىقتارىن قورعاۋ جانە قوعامداعى قۇقىقتىق مادەنيەتتى دامىتۋ ماسەلەلەرى قارالدى.
وبلىس اكىمى نۇرداۋلەت قيلىباي ازاماتتىق قوعام ينستيتۋتتارىنىڭ ءوڭىر دامۋىنا قوسقان ۇلەسىن اتاپ ءوتىپ, پرەزيدەنت قاسىم-جومارت توقاەۆتىڭ ساياساتىن ىسكە اسىرۋدىڭ ماڭىزدىلىعىن ايتتى.
«پرەزيدەنت قاسىم-جومارت توقاەۆ ازاماتتىق قوعام ينستيتۋتتارىنىڭ ءرولىن كۇشەيتۋ قاجەتتىگىن اتاپ ءوتتى. قازىرگى تاڭدا ۇكىمەتتىك ەمەس ۇيىمدار قوعام ءومىرىنىڭ بارلىق ماڭىزدى سالاسىن قامتىپ, الەۋمەتتىك جوبالاردى جۇزەگە اسىرۋ ارقىلى وزەكتى ماسەلەلەردىڭ شەشىمىنە ىقپال ەتىپ كەلەدى. اۋىل مەن قالانى تەڭەستىرۋ كەرەك دەگەن ماسەلەنى مەملەكەت باسشىسى قاسىم-جومارت توقاەۆ ءاردايىم ايتىپ كەلەدى. سونى ورىنداۋ پارىز. قازىر قاراپ وتىرساق, قازاقستان الەمدىك ارەنادا ۇلكەن بەدەلى بار مەملەكەتكە اينالىپ كەلە جاتىر. ءبىزدىڭ ماقساتىمىز – مەملەكەت باسشىسىنىڭ ساياساتىن قولداپ, ونى ىسكە اسىرۋ», دەدى نۇرداۋلەت قيلىباي.
فورۋم قورىتىندىسىندا ۇزدىك جوبالار مەن بەلسەندى ازاماتتار ارنايى ماراپاتتارعا يە بولدى. سونىمەن قاتار, قۇقىقتىق ءبىلىمدى ارتتىرۋ بويىنشا جاڭا باستامالاردى قولداۋ ۇسىنىستارى ازىرلەندى.
