فوتو: دەنساۋلىق ساقتاۋ مينيسترلىگى
قر دەنساۋلىق ساقتاۋ ءمينيسترى اقمارال ءالنازاروۆا دەلەگاتسيا جەتەكشىسى دوكتور اليرەز حاديممەن كەزدەسۋ بارىسىندا ۇلتتىق جۇيەنى جەتىلدىرۋ باعىتتارىن تالقىلادى. باعالاۋ تىركەۋ, فارماكوقاداعالاۋ, ينسپەكتسيالاۋ, ليتسەنزيالاۋ, زەرتحانالىق جانە كلينيكالىق زەرتتەۋلەردى قاداعالاۋ سياقتى نەگىزگى سالالاردى قامتيدى.
اپتا بويى وتەتىن اۋديت ناتيجەسىندە ۇلتتىق رەتتەۋ جۇيەسىن نىعايتۋعا ارنالعان جاڭا جول كارتاسى ازىرلەنبەك. ءمينيستردىڭ ايتۋىنشا, زاڭنامالار جاڭارتىلىپ, زاماناۋي تسيفرلىق شەشىمدەر ەنگىزىلىپ جاتىر, سونداي-اق حالىقارالىق ستاندارتتارعا سايكەستىككە ەرەكشە نازار اۋدارىلعان.
ددسۇ ساراپشىلارى قازاقستاننىڭ ايماقتاعى بەدەلدى ورنى مەن رەتتەۋ پروتسەستەرىندەگى جەتىستىكتەرىن اتاپ ءوتتى. ولاردىڭ پىكىرىنشە, ەلىمىز زەرتحانالىق ينفراقۇرىلىم مەن باقىلاۋ جۇيەسىندە جوعارى كەمەلدىك دەڭگەيىنە جاقىنداپ كەلەدى.
