فوتو: ۇكىمەتتىڭ ءباسپاسوز قىزمەتى
يۋسۋف الي قازىرگى تاڭدا كومپانيا قازاقستاننان ەت جانە اۋىل شارۋاشىلىعى ونىمدەرىن جەتكىزىپ وتىرعانىن ايتىپ, سەرىكتەستىكتى ودان ءارى دامىتۋعا قىزىعۋشىلىق ءبىلدىردى. سونداي-اق ول ەلىمىزدەگى قولايلى ينۆەستيتسيالىق كليمات پەن زور الەۋەتتى ەرەكشە اتاپ ءوتتى.
تاراپتار قازاقستان اۋماعىندا ەت وڭدەۋ زاۋىتىن جانە اۋىل شارۋاشىلىعى ونىمدەرىن ساتىپ الۋعا ارنالعان ۇلەستىرۋ ورتالىعىن سالۋ جوسپارىنا توقتالدى.
ءوز كەزەگىندە ولجاس بەكتەنوۆ ۇكىمەتتىڭ بۇل باستامالاردى قولداۋعا دايىن ەكەنىن جەتكىزدى. ونىڭ ايتۋىنشا, اتالعان جوبالار مەملەكەت باسشىسى قاسىم-جومارت توقاەۆتىڭ جولداۋىندا ايتىلعان اۋىل شارۋاشىلىعى ونىمدەرىن تەرەڭ وڭدەۋ جونىندەگى تاپسىرمالارمەن ۇيلەسەدى.
ايتا كەتەيىك, بۇگىندە قازاقستاندىق اۋىل شارۋاشىلىعى تاۋارلارى الەمنىڭ 70-تەن استام مەملەكەتىنە ەكسپورتتالادى. الداعى ۋاقىتتا سالانىڭ ونىمدىلىگىن ءۇش ەسەگە ارتتىرۋ ەسەبىنەن ەكسپورت كولەمىن ەكى ەسەگە ۇلعايتۋ جوسپارلانعان.
«اگروونەركاسىپ كەشەنى ەلىمىزدىڭ ەكونوميكاسىندا قاشاندا ماڭىزدى ورىندا. قازاقستان بىرلەسكەن اگروتەحنوپاركتەر مەن ەكسپورتقا باعىتتالعان لوگيستيكالىق حابتار قۇرۋدان باستاپ, ەلەكتروندى كوممەرتسيانى جانە باسقا دا جوبالاردى دامىتۋعا دەيىنگى ىنتىماقتاستىقتى كەڭەيتۋگە دايىن. ول ءۇشىن ەلىمىزدە بارلىق قاجەتتى جاعدايلار جاسالعان», دەدى ولجاس بەكتەنوۆ.
كەزدەسۋ سوڭىندا مەملەكەتتىك ورگاندارعا ۇسىنىلعان جوبالاردى ىسكە اسىرۋعا جان-جاقتى قولداۋ كورسەتۋ تاپسىرىلدى.
