فوتو: depositphotos.com
كەلگەندەردىڭ 816,5 مىڭى – ەلدىڭ وزگە وڭىرلەرىنەن كەلگەن ساياحاتشىلار بولسا, 323,5 مىڭى – شەتەلدىك مەيماندار.
قالا اكىمدى الماتىعا ەڭ كوپ كەلگەن شەتەلدىكتەر قاتارىندا قىتايلىقتار كوش باستاپ تۇرعانىن اتاپ ءوتتى. بيىلعى جارتى جىل ىشىندە 54,1 مىڭ قىتاي ازاماتى قالاعا ايالداعان, بۇل بىلتىرعىدان 33,4 پايىزعا كوپ. ودان كەيىنگى ورىندا ءۇندىستاننان كەلگەن تۋريستەر (56,2 مىڭ ادام). سونىمەن بىرگە العاشقى جەتىلىككە تۇركيا (17,9 مىڭ), كورەيا رەسپۋبليكاسى (9,7 مىڭ), اقش (9,6 مىڭ), ءباا (6,7 مىڭ) جانە گەرمانيا (6,5 مىڭ) ەندى.
«حالىقارالىق تۋريستەر سانىنىڭ ارتۋىنا تۋريستىك ينفراقۇرىلىمدى دامىتۋ مەن قالا قوناقتارىنا ارنالعان زاماناۋي سەرۆيستەردى ەنگىزۋ ىقپال ەتتى. قالالىق تۋريزم باسقارماسىنىڭ مالىمەتىنشە, الماتى دەمالىس پەن ىسكەرلىك تۋريزم ءۇشىن تارتىمدى باعىت رەتىندە پوزيتسياسىن نىعايتىپ, تۋريستىك لەكتىڭ اۋقىمىن كەڭەيتىپ, كەلۋشىلەرگە جايلى جاعداي جاساپ وتىر», دەلىنگەن حابارلامادا.
ەستەرىڭىزگە سالا كەتەيىك, 2025 جىلى الماتى CNN-ءنىڭ «ۇزدىك تۋريستىك باعىتتار» تىزىمىنەن ورىن الىپ, Booking.com دەرەكتەرى بويىنشا دا جىلدىڭ ترەندتىك قالالارىنىڭ بىرىنە اينالعان ەدى.
