قاتىسۋشىلار ۇيىمداردىڭ جۇمىسى تۋرالى حاباردار ەتتى, وڭىرلەردەگى تاجىريبەمەن الماستى جانە حالىقتىڭ وسال توپتارىنىڭ مۇددەسىن ەسكەرە وتىرىپ, ورنىقتى دامۋ ماقساتتارىنا قول جەتكىزۋ بويىنشا ۇسىنىمدار دايىندادى.
ولگا پەرەپەچينا ءوز سوزىندە ايماقتىق دەڭگەيدەگى جۇيەلى شەشىمدەر مەن حالىقتىڭ وسال توپتارىنىڭ مۇددەسىن ەسكەرمەي ودم-عا قول جەتكىزۋ مۇمكىن ەمەستىگىن اتاپ ءوتتى.
«ورنىقتى دامۋ ماقساتتارى – بولاشاققا باعىتتالعان امبەباپ كۇن ءتارتىبى. الايدا ونى حالىقتىڭ وسال توپتارىنىڭ مۇددەسىن ەسكەرمەي جۇزەگە اسىرۋ مۇمكىن ەمەس. مۇگەدەكتىگى بار ايەلدەر مەن قىزدار – بۇل بۇكىل الەم بويىنشا ميلليونداعان ازاماتتار بولىپ تابىلادى. ولار بىلىمگە, مەديتسيناعا, جۇمىسپەن قامتۋعا جانە قوعامدىق ومىرگە بارىمەن بىردەي قول جەتكىزە الادى. سوندىقتان ەشكىمنىڭ نازاردان تىس قالۋىنا جول بەرمەۋ – ءبىزدىڭ ورتاق مىندەتىمىز», دەپ اتاپ ءوتتى ولگا پەرەپەچينا.
سەناتور قولجەتىمدى جانە ساپالى ءبىلىم بەرۋدى قامتاماسىز ەتۋ, جۇمىسقا ورنالاسۋ جانە كاسىپكەرلىك ءۇشىن مۇمكىندىك جاساۋ, اسىرەسە اۋىلدىق جەرلەردە مەديتسينالىق جانە الەۋمەتتىك قىزمەتتەردى كەڭەيتۋ, مۇگەدەك ايەلدەردى شەشىم قابىلداۋ ۇدەرىسىنە تارتۋ جانە قوعامدا قۇرمەت پەن تەڭ كوزقاراس مادەنيەتىن دامىتۋعا كوڭىل ءبولۋ ءوڭىر ەلدەرى ءۇشىن ماڭىزدى ەكەنىن اتاپ ءوتتى.
كونفەرەنتسيا ورتالىق ازيا ەلدەرىنىڭ ورنىقتى دامۋ ماقساتتارى جونىندەگى حالىقارالىق مىندەتتەمەلەرىن, بۇۇ-نىڭ مۇگەدەك ادامداردىڭ قۇقىقتارى تۋرالى كونۆەنتسياسىن جانە ايەلدەرگە قاتىستى كەمسىتۋشىلىكتىڭ بارلىق نىساندارىن جويۋ تۋرالى كونۆەنتسياسىن ىسكە اسىرۋعا ماڭىزدى ۇلەس بولدى. شارانى ەقىۇ تاراپىنان قولداۋ حالىقارالىق كۇن تارتىبىندە ادام قۇقىقتارى, گەندەرلىك تەڭدىك جانە ينكليۋزيا تاقىرىبىنىڭ ماڭىزدىلىعىن كورسەتەدى.
كونفەرەنتسياعا قاتىسۋشىلار شارانىڭ قورىتىندىسى بويىنشا ءاربىر ادامنىڭ تەڭ قۇقىقتارى, مۇمكىندىكتەرى مەن كەلەشەگى بار شىنايى ينكليۋزيۆتى قوعام قۇرۋعا باعىتتالعان ءىس جۇزىندەگى شەشىمدەر ازىرلەۋ مەن بۇدان بىلايعى ىنتىماقتاستىققا دايىن ەكەندىكتەرىن ءبىلدىردى.
