قوستاناي قالاسى اكىمىنىڭ ەكىنشى ورىنباسارى دا 2 ايعا قامالدى

قوستاناي. 06 تامىز. قوستاناي قالاسى اكىمىنىڭ ەكىنشى ورىنباسارى فرۋنزيك اراكەلياندى №2 قالالىق سوت 2 ايعا قاماۋعا سانكتسيا بەردى. بۇل تۋرالى ng.kz سايتىنا سىلتەمە جاساعان egemen.kz ءتىلشىسى حابارلادى. فرۋنزيك اراكەليان قازاقستان رەسپۋبليكاسى قىلمىستىق كودەكسىنىڭ ەكى بابىمەن, ياعني 361-باپتىڭ 2-ءبولىمى –قىزمەتىن اسىرا پايدالانعانى ءۇشىن جانە 366-باپتىڭ 2 ءبولىمى – ۇلكەن كولەمدە پارا العانى ءۇشىن ايىپتالادى. سوتتا مەملەكەتتىك ايىپتاۋشى رۋسلان ومىرزاقوۆتىڭ ايتۋىنشا, اراكەليان  بۇرىننان دا پارا الىپ جۇرگەن. ول ونى كىمنەن العانىن ايتىپ بەردى. سونىمەن قاتار, پروكۋرور فۋرنزيك اراكەلياندى رەسپۋبليكادان تىس جەرگە قاشىپ كەتۋى مۇمكىن ەكەنىن ايتتى, سول ءۇشىن ونى قاماۋ كەرەكتىگىن ۇسىندى. ويتكەنى, فرۋنزيك مىرزا وزىنە تىقىر تايانعانىن سەزسە كەرەك, كابينەتىن تىنتىگەن كەزدە ونىڭ قىزمەتتەن كەتۋ تۋرالى جازعان ارىزدارى  تابىلدى. ولاردى كونتسەلياريا كەڭسەسىنە بەرىپ ۇلگەرمەگەن. سۋديا التىن بايجۇمانوۆا اراكەلياننىڭ جاقسى مىنەزدەمەسىنە قاراماستان ونى 2 ايعا قاماۋعا سانكتسيا شىعاردى. ەسكە سالا كەتەيىك, قوستاناي قالاسى اكىمىنىڭ ەكى ورىنباسارى پارا الدى دەگەن كۇدىكپەن ۇستالعان-دى. وسىنىڭ الدىندا ماقسۇت قاليەۆتا 2 ايعا قامالعان بولاتىن. ءنازيرا جارىمبەتوۆا. دەرەك, سۋرەت: ng.kz.