اشىق دەرەككوز
Bloomberg اگەنتتىگىنىڭ حابارلاۋىنشا, ەلليسوننىڭ داۋلەتى 393 ميلليارد دوللارعا جەتىپ, ماسكتىڭ بايلىعى 385 ميلليارد دوللار دەڭگەيىندە قالعان.
ساراپشىلاردىڭ ايتۋىنشا, ەلليسوننىڭ ءبىر كۇندە 101 ميلليارد دوللار قوسۋى Bloomberg تاريحىنداعى ەڭ ۇلكەن تاۋلىكتىك ءوسىم. بۇل كورسەتكىش ونى الەمدەگى ەڭ داۋلەتتى تۇلعاعا اينالدىرعان.
ەستەرىڭىزگە سالا كەتەيىك, يلون ماسك بۇل ءتىزىمنىڭ كوشىن دەرلىك ءبىر جىل بويى باستاپ كەلگەن ەدى. ول العاش رەت 2021 جىلى ءبىرىنشى ورىنعا شىققانىمەن, ارا-تۇرا Amazon نەگىزىن قالاۋشى دجەفف بەزوس پەن LVMH يەسى بەرنار ارنوعا جول بەرگەن. قازىر بەزوس ءتورتىنشى, ال ارنو سەگىزىنشى ورىندا تۇر.
ەلليسون شىلدە ايىنان بەرى ەكىنشى ورىنعا جايعاسىپ, Meta جەتەكشىسى مارك تسۋكەربەرگتى ارتتا قالدىرعان بولاتىن.
Forbes جۋرنالى دا ەلليسون بايلىعىنىڭ كۇرت وسكەنىن اتاپ ءوتتى. باسىلىم ونىڭ داۋلەتىن 395 ميلليارد دوللارعا باعالاپ, ءبىر كۇندە 102 ميلليارد دوللار قوسىلعانىن جازادى. دەگەنمەن Forbes رەيتينگى بويىنشا ءالى دە يلون ماسك ءبىرىنشى ورىندا تۇر – ونىڭ بايلىعى 437 ميلليارد دوللارعا جەتكەن.
