ءتورت ءتۇرلى سمارتفون قاتارىندا ەرەكشە كوزگە تۇسكەنى – «iPhone 17 Air». قالىڭدىعى نەبارى 5,6 مم بولاتىن بۇل ۇلگى – Apple تاريحىنداعى ەڭ جۇقا تەلەفون. ونىڭ كورپۋسىنا تيتان مەن اليۋميني قولدانىلعان, ال جۇمىسىن قۋاتتى A19 Pro پروتسەسسورى اتقارادى. بۇل چيپ الەمدەگى ەڭ جىلدام ءموبيلدى پروتسەسسور رەتىندە سيپاتتالىپ وتىر. «iPhone 17 Air» بۇرىنعى مودەلدەردەن بەرىكتىگىمەن دە ەرەكشەلەنبەك. سونداي-اق بۇل سمارتفوندا قوس كامەرا ارقىلى ءبىر ۋاقىتتا ءتۇسىرۋ مۇمكىندىگى بار. دەگەنمەن كورپۋس جۇقالىعىنا بايلانىستى وندا فيزيكالىق SIM كارتاسىنا ورىن جوق, تەك eSIM قولدانىلادى.
ايتا كەتەيىك, جاڭا جەلىدە ءتورت مودەل بار. بۇلار «iPhone 17», «iPhone 17 Air», «iPhone 17 Pro» جانە «iPhone 17 Pro Max».
ەكران ولشەمدەرى 6,3-تەن 6,9 ديۋيمگە دەيىن. بارلىق تەلەفوندار كەمىندە 256 گب جادىمەن جابدىقتالعان. نەگىزگى ۇلگى بەس تۇستە. اتاپ ايتساق, Air ءتورت تۇستە, ال Pro مەن Pro Max ءۇش ءتۇستى نۇسقادا قولجەتىمدى.
بۇل قۇرىلعىلاردا شىنىدان جاسالعان سىمسىز زاريادتاۋ الاڭى جانە بۋلانۋ كامەراسى بار سالقىنداتۋ جۇيەسى ورناتىلعان. كومپانيانىڭ ايتۋىنشا, بۇل جۇيە ويىندار مەن اۋىر جۇكتەمەلەر كەزىندە ونىمدىلىكتى 40%-عا ارتتىرادى.
جاڭا سمارتفوندار 19 قىركۇيەكتەن باستاپ ساتىلا باستايدى.
