ونىڭ ايتۋىنشا, مەملەكەت باسشىسى قاسىم-جومارت توقاەۆ حالىققا ارناعان ءاربىر جولداۋىندا ادىلەتتى قازاقستان قۇرۋداعى ءوز پرينتسيپتەرىنىڭ مىزعىمايتىنىن كورسەتىپ كەلەدى. «اسەرلى پارلامەنت», «زاڭ جانە ءتارتىپ», «ەستيتىن مەملەكەت», «تازا قازاقستان», «ادال ازامات» سياقتى تۇجىرىمدامالار قوعام ساناسىنىڭ اجىراماس بولىگىنە اينالدى.
سونىمەن قاتار, جىلدار بويى قوردالانعان ماسەلەلەردى شەشۋ ناقتى جوبالىق ءتاسىلدى قاجەت ەتەدى. بۇل تۇرعىدا «AMANAT» پارتياسى پرەزيدەنت باعىتىن بەرىك ۇستانىپ كەلەدى. مىسالى, سوڭعى ءۇش جىلدا «جەر اماناتى» جوباسى اياسىندا پايدالانىلماي جاتقان جانە زاڭسىز يەلەنگەن اۋىل شارۋاشىلىعى جەرلەرىن مەملەكەت مەنشىگىنە قايتارۋ بويىنشا اۋقىمدى جۇمىس جۇرگىزىلدى. 2022 جىلدان بەرى 13,5 ملن گەكتاردان استام جەر مەملەكەتكە قايتارىلدى.
الايدا, ەرلان سايروۆ اتاپ وتكەندەي, قايتارىلعان جەردىڭ تەك 6 ملن گەكتارى عانا جاڭا جەر پايدالانۋشىلارعا بەرىلگەن. ال 7,5 ملن گەكتار جەر بوس تۇر, سونىمەن قاتار 82,9 ملن گەكتار جەر قورى ءتيىمسىز پايدالانىلىپ جاتىر. بۇعان قوسا, 29 ملن گەكتاردان استام جەر دەگراداتسياعا ۇشىراعان, ونىڭ ىشىندە شامامەن 3 ملن گەكتار جەر تۇزدانۋعا بەيىم.
دەپۋتات جەردى ءتيىمدى قايتا ءبولۋ ءۇشىن توپىراقتىڭ ساپاسى, جەردىڭ ونىمدىلىگى مەن اۋىل شارۋاشىلىعىنىڭ ءارتۇرلى تۇرىنە جارامدىلىعى تۋرالى ناقتى دەرەكتەر قاجەت ەكەنىن ايتتى. الايدا قازاقستاندا مۇنداي دەرەكتەردى شوعىرلاندىراتىن بىرىڭعاي اقپاراتتىق جۇيە جوق. بۇل جاعداي ازىق-ت ۇلىك قاۋىپسىزدىگىنە, اۋىلداعى جۇمىسپەن قامتۋعا جانە ينۆەستيتسيالىق تارتىمدىلىققا تىكەلەي اسەر ەتۋدە.
وسىعان بايلانىستى پرەزيدەنت قاسىم-جومارت توقاەۆ جولداۋىندا جەردى ونىڭ قۇنىن تۇسىنەتىندەرگە عانا بەرۋ كەرەكتىگىن اتاپ ءوتى پ, جەر رەسۋرستارىنىڭ تسيفرلىق كارتاسىن جاساۋدى تاپسىردى.
«AMANAT» فراكتسياسى بۇل ماسەلەنى شەشۋ ءۇشىن:
-
كەلەسى ەگىس ناۋقانىنا دەيىن 7,5 ملن گەكتار جەردى اۋىل تۇرعىندارى مەن فەرمەرلەرگە ءادىل جانە اشىق تۇردە ۇلەستىرۋدى;
-
جەر رەسۋرستارىنىڭ تسيفرلىق كارتاسى مەن جايىلىمدار كاداسترىن جەدەل ىسكە قوسۋدى;
-
جەردىڭ ناقتى دەرەكتەرىن كاداسترلىق مالىمەتتەرمەن بىرىكتىرۋدى ۇسىندى.
