فوتو: اشىق دەرەككوزدەن
پرەزيدەنت ناقتى تاپسىرما بەردى: ون كۇن ىشىندە قالاعا ارنايى مارتەبە بەرۋ تۋرالى جارلىق جوباسى دايىندالىپ, التى اي ىشىندە «Alatau City تۋرالى» جەكە زاڭ قابىلدانادى. قۇجاتتا قالانى باسقارۋ رەجىمى, قارجىلىق مودەل, ينۆەستورلارعا كەپىلدىكتەر جانە تۇرعىندارعا ارنالعان الەۋمەتتىك-ەكونوميكالىق تەتىكتەر قاراستىرىلماق.
بۇل باستاما حالىقارالىق تاجىريبەگە نەگىزدەلگەن. الەمدە ارنايى مارتەبەگە يە قالالار ينۆەستيتسيا مەن تەحنولوگيانى تارتۋدىڭ نەگىزگى ورتالىقتارىنا اينالعان. شەنچجەن, سينگاپۋر, دۋباي – سونىڭ ايقىن مىسالدارى. 2 قىركۇيەكتە بەيجىڭدە قازاقستان مەن قىتاي اراسىندا كەلىسىم جاسالدى. بۇل قۇجاتقا ۇلتتىق ينۆەستيتسيالىق كورپوراتسيا, «Caspian Group» اق جانە قىتايدىڭ الىپ قۇرىلىس كومپانياسى – «CSCEC International Construction Corporation Ltd» قول قويدى.
Alatau City جەكە ينۆەستيتسيالار ەسەبىنەن سالىنادى. ءبىز شەتەلدىك ينۆەستورلاردىڭ پۋلىن قۇردىق. بۇل جوباعا اقش, وڭتۇستىك كورەيا, سينگاپۋر, تاياۋ شىعىس ەلدەرى دە قىزىعۋشىلىق تانىتىپ وتىر. قازان ايىندا سەۋلدە روۋد-شوۋ وتەدى. وعان «Hyundai», «Samsung», «Lotte» سەكىلدى الپاۋىت كورپوراتسيالار قاتىسپاق. تسيفرلىق قالا – بولاشاقتىڭ بەينەسى.
الماتى اگلومەراتسياسىندا بوي كوتەرەتىن جاڭا قالا ورتالىق ازياداعى العاشقى تولىق تسيفرلىق قالا بولماق. مۇندا Smart City تەحنولوگيالارى ەنگىزىلەدى, كريپتوۆاليۋتا ارقىلى تولەم جاساۋ مۇمكىندىگى پايدا بولادى, جاساندى ينتەللەكتىگە نەگىزدەلگەن باسقارۋ جۇيەلەرى قولدانىلادى. بۇل قادامدار جاڭا قالانىڭ تسيفرلىق ەكوجۇيە رەتىندە دامۋىنا بەرىك ىرگەتاس بولماق.
جوبا ىسكە قوسىلعاندا مىڭداعان جاڭا جۇمىس ورنى اشىلادى, IT جانە جوعارى تەحنولوگيا يندۋسترياسى قارقىن الادى, شەتەلدىك ينۆەستيتسيالار كولەمى ارتادى. سونىمەن قاتار جاڭا قالا جاستارعا ءبىلىم مەن جۇمىستىڭ زاماناۋي مۇمكىندىگىن ۇسىنىپ, جاڭا ۋربانيستيكالىق مادەنيەتتى قالىپتاستىرادى.
پرەزيدەنت قاسىم-جومارت توقاەۆتىڭ جولداۋىندا كوتەرىلگەن باستامالار – ەلىمىزدىڭ جاڭا دامۋ كەزەڭىنە جول اشاتىن تاريحي قادام. اسىرەسە Alatau City جوباسىن جۇزەگە اسىرۋ تۋرالى شەشىم – ەلىمىزدىڭ يننوۆاتسيالىق الەۋەتىن ارتتىرىپ, ەلدى حالىقارالىق دەڭگەيدە جاڭا بيىككە كوتەرۋگە باعىتتالعان ماڭىزدى باستاما.
مەملەكەت باسشىسىنىڭ باتىل ءارى ستراتەگيالىق قادامدارىنا ريزاشىلىق بىلدىرەمىز. بۇل باستامالار ەلىمىزدى تسيفرلىق ءداۋىردىڭ كوشباسشىسىنا اينالدىرىپ, جاڭا جۇمىس ورىندارىن اشۋعا, جاستارعا ءبىلىم مەن كاسىپكەرلىككە جول كورسەتۋگە مۇمكىندىك بەرەدى. پرەزيدەنتىمىزدىڭ سەنىمدى باسشىلىعىمەن ەلىمىزدىڭ بولاشاعى جارقىن بولارىنا سەنەمىز. Alatau City ۇلتتىڭ جاڭا داۋىرگە قادام باسۋىنىڭ ءرامىزى بولماق.
يۋري تسحاي,
«Caspian Group» اق ديرەكتورلار كەڭەسىنىڭ توراعاسى
