يادرولىق قارۋدىڭ بەيبىت تۇرعىندارعا قارسى جۇمسالعانىنا 70 جىل

الماتى. 6 تامىز. بۇدان 70 جىل بۇرىن – 1945 جىلى 6 تامىز كۇنى امەريكا قۇراما شتاتتارى تۇڭعىش رەت يادرولىق قارۋ قولدانىپ, حيروسيما (جاپونيا) قالاسىنا اتوم بومباسىن تاستادى. ال 9 تامىز كۇنى ەكىنشى بومبا ناگاساكي قالاسىنا ءتۇستى. بۇل تۋرالى ۆۆس حابارلادى. جەرگىلىكتى ۋاقىت بويىنشا 01:45-تە بورتىنا «بوبەك» ("Little Boy") دەپ اتالاتىن اتوم بومباسىن تيەگەن پولكوۆنيك پول تيببەتس مىنگەن ۆ-29 اسكەري ۇشاعى 6 ساعاتتان سوڭ حيروسيمانىڭ ۇستىنە ۇشىپ كەلدى. جاپون اۋە كۇشتەرى دابىل قاققان, الايدا, ۇشاقتىڭ جالعىز ەكەنىن بايقاعان سوڭ, دابىل قاعۋدى توقتاتقان. اتوم بومباسى 9 شاقىرىم بيىكتىكتەن تاستالدى, جەرگە 600 مەتر قالعاندا جارىلدى. ارادا 20 مينۋت وتكەندە قالانىڭ توكيومەن اراداعى بارلىق بايلانىسى تولىقتاي ءۇزىلدى. جاپون اسكەرى باس شتابىنىڭ بارلاۋشى ۇشقىشى حيروسيما ۇستىندەگى جالىندى 160 شاقىرىم جەردەن بايقاعان. كودتىق اتاۋى «سەمىز» ("Fat Man") دەپ اتالاتىن ەكىنشى بومبا ناگاساكي قالاسىنا 9 تامىز كۇنى تاستالدى. اتوم بومباسى تۇسكەن نۇكتەدەن راديۋسى 1 شاقىرىم جەردەگى بارلىق ءتىرى جان ءبىر مەزەتتە ومىرمەن قوشتاسقان. مايىتتەر كۇلگە اينالعان. ەكى شاقىرىمداعى اۋماق تۇگەلدەي وتقا ورانعان, ال, 20 شاقىرىم جەردەگى ۇيلەردىڭ تەرەزەسى شاشىلىپ تۇسكەن. بۇل تۇستا حيروسيمادا 245 مىڭ, ناگاساكيدە 200 مىڭ تۇرعىن بار بولاتىن. تالعات ءسۇيىنباي. دەرەك: ۆۆس. سۋرەت: ار.