قازاقستان رەسپۋبليكاسىنىڭ ونەركاسىپ جانە قۇرىلىس ءمينيسترى اۋىز سۋدىڭ ءبىر تەكشە مەترىنىڭ قۇنىن ەسەپتەۋ ادىستەمەسىن بەكىتتى. بۇل ادىستەمە سۋبسيديالاناتىن سۋ جۇيەلەرىنەن بەرىلەتىن سۋدىڭ باعاسىن انىقتاۋعا قولدانىلادى. اتالعان بۇيرىق 13 قىركۇيەكتەن باستاپ كۇشىنە ەنەدى.
ەندى اۋىز سۋدىڭ قۇنى بىرىڭعاي ادىستەمە بويىنشا ايماقتارداعى جانە ءىرى قالالارداعى ورتاشا باعالاردى, سونداي-اق ءار ءوڭىردىڭ الەۋمەتتىك-ەكونوميكالىق ەرەكشەلىكتەرىن ەسكەرە وتىرىپ بەلگىلەنەدى. دەگەنمەن تۇرعىندار ءۇشىن تاريف ەل بويىنشا جانە ايماق بويىنشا ورتاشا كورسەتكىشتەن اسپاۋى ءتيىس. بۇل باعانىڭ كۇرت وسۋىنە جول بەرمەيدى.
بۇدان بولەك, تۇرمىستىق تۇتىنۋشىلار ءۇشىن تاۋلىگىنە ادام باسىنا 140 ليتر سۋ پايدالانۋ ءليميتى ەنگىزىلەدى. نورما شەگىندەگى سۋ ءۇشىن اقى بازالىق تاريف بويىنشا ەسەپتەلەدى, ال ودان ارتىق تۇتىنعان جاعدايدا 1,3 كوەففيتسيەنتىمەن قىمباتتاتىلىپ تولەنەدى.
سۋدىڭ تۇپكىلىكتى ءتاريفىن جەرگىلىكتى ءماسليحاتتار سۋ جەتكىزۋشى ۇيىمداردىڭ ەسەپ-قيسابى نەگىزىندە بەكىتەتىن بولادى.
