فوتو: pixabay.com
وقيعا وتكەن جۇما كۇنى قالا ورتالىعىندا بولعان. پوليتسيا مالىمەتىنشە, تروتۋاردا جۇرۋگە بايلانىستى جاياۋ جۇرگىنشى مەن ساموكاتشى اراسىندا جانجال شىققان. قاقتىعىس كەزىندە ساموكات جۇرگىزۋشىسى ەر ادامعا سوققى جاساپ, ناتيجەسىندە جابىرلەنۋشى كوزىنەن ايىرىلعان.
الماتى قالالىق پوليتسيا دەپارتامەنتى قىلمىستىق ءىس قوزعالعانىن حابارلادى.
ۆەدومستۆونىڭ دەرەگىنشە, قازىر تەرگەۋ امالدارى ءجۇرىپ جاتىر, كىنالى تۇلعانى جاۋاپقا تارتۋ ءۇشىن قاجەتتى شارالار قابىلدانعان.
اتالعان دەرەك قر قك-ءنىڭ 107-بابى «دەنساۋلىققا قاساقانا ورتاشا اۋىرلىقتاعى زيان كەلتىرۋ» بويىنشا تەرگەلىپ جاتىر. بۇل باپقا سايكەس, 1000 اەك-كە دەيىن ايىپپۇل (شامامەن 3,9 ملن تەڭگە), تۇزەۋ نەمەسە قوعامدىق جۇمىستار, سونداي-اق ەكى جىلعا دەيىن باس بوستاندىعىنان ايىرۋ جازاسى قاراستىرىلعان.
