فوتو: اشىق دەرەككوز
ۇكىمەت وتىرىسىندا پرەمەر-مينيستر قازان ايىنا دەيىن ءبىلىم بەرۋ جۇيەسىندە جاساندى ينتەللەكتىنى ەنگىزۋ جونىندەگى 2025-2029 جىلدارعا ارنالعان تۇجىرىمدامالىق تاسىلدەر مەن جول كارتاسىن قابىلداۋ قاجەتتىگىن اتاپ ءوتتى.
بەكتەنوۆتىڭ ايتۋىنشا, ولار نورماتيۆتىك قۇقىقتىق بازانى, وقۋ-ادىستەمەلىك قامتاماسىز ەتۋدى, پەداگوگتەردى دايارلاۋ مەن قايتا دايارلاۋدى, اقپاراتتىق قاۋىپسىزدىكتى ازىرلەۋ جونىندەگى شارالاردى قامتۋى كەرەك.
ء«وڭىر اكىمدىكتەرىمەن بىرلەسىپ, «اۋىل مەكتەبى – ساپا الاڭى» شاعىن جيناقتى مەكتەپ مودەلىن كەزەڭ-كەزەڭمەن ەنگىزۋدى جالعاستىرۋ قاجەت. ولاردى جوعارى جىلدامدىقتى ينتەرنەتپەن, تسيفرلىق ءبىلىم بەرۋ رەسۋرستارىمەن قامتاماسىز ەتۋ, قاشىقتان وقىتۋدى ۇيىمداستىرۋ, سونداي-اق پەداگوگتەردى ءتيىستى داعدىلارعا دايىنداۋ جونىندە ناقتى شارالار كوزدەلۋگە ءتيىس. اكىمدىكتەرمەن بىرلەسىپ, وڭىرلەردە, سونىڭ ىشىندە جەكە ينۆەستيتسيالاردى تارتا وتىرىپ, «Sana» جاڭا بۋىن ورتالىعىنىڭ تۇجىرىمداماسى مەن تاسىلدەرىن كەڭ اۋقىمدا قولدانۋ قاجەت», دەدى ولجاس بەكتەنوۆ.
بۇدان بولەك وقۋ-اعارتۋ, عىلىم جانە جوعارى ءبىلىم مينيسترلىكتەرىنە ەكى اي مەرزىمدە ءبىلىم الۋشىلارعا ۇزدىكسىز كوپ دەڭگەيلى ەكولوگيالىق ءبىلىم بەرۋدىڭ تۇجىرىمدامالىق نەگىزدەرىن بەكىتۋدى, سونداي-اق تسيفرلىق دامۋ مينيسترلىگى عىلىم مينيسترلىگىنە يننوۆاتسيالىق ساياسات جونىندەگى فۋنكتسيالاردى بەرۋ ماسەلەلەرىن قامتاماسىز ەتۋ جۇكتەلدى.
