2025 جىلعى 8 قىركۇيەكتە مەملەكەت باسشىسى قاسىم-جومارت توقاەۆ قازاقستان حالقىنا ارناعان جولداۋىندا «قازاقستان مىندەتتى تۇردە تسيفرلىق ەل بولۋى كەرەك» دەپ اتاپ ءوتتى. سونىمەن بىرگە جاساندى ينتەللەكتىمەن جۇمىس ىستەۋ قۇزىرەتىن قالىپتاستىرۋ الدەقايدا ەرتە جاستان, ياعني مەكتەپ قابىرعاسىنان قولعا الىنۋعا ءتيىس ەكەنىن ايتتى.
«مەنىڭ تاپسىرماممەن 100 مىڭعا جۋىق ستۋدەنتتى تەحنولوگيالىق جوبالارعا تارتۋدى كوزدەيتىن Al-Sana باعدارلاماسى جۇزەگە اسىرىلا باستادى. الايدا جاساندى ينتەللەكتىمەن جۇمىس ىستەۋ قۇزىرەتىن قالىپتاستىرۋ الدەقايدا ەرتە جاستان, ياعني مەكتەپ قابىرعاسىنان قولعا الىنۋعا ءتيىس. وسىعان وراي بىرقاتار باستامانى جۇزەگە اسىرعان ءجون. ەڭ الدىمەن, مەكتەپ وقۋشىلارىنا ارنالعان جاساندى ينتەللەكت نەگىزدەرى تۋرالى باعدارلاما جانە وقۋ ماتەريالدارىن ازىرلەۋ قاجەت. ۇستازداردىڭ جاساندى ينتەللەكت تەحنولوگياسىن مەڭگەرۋ داعدىسىن دا قالىپتاستىرۋ كەرەك بولادى», – دەدى قاسىم-جومارت كەمەل ۇلى توقاەۆ.
قازاق ۇلتتىق قىزدار پەداگوگيكالىق ۋنيۆەرسيتتەتىنىڭ باسقارما توراعاسى-رەكتورىنىڭ م.ا. سۋاتاي سابيت قۇرمانجان ۇلى وقۋ ورنى پرەزيدەنت تاپسىرمالارىن تولىق قولداي وتىرىپ, جاساندى ينتەللەكت سالاسىندا تىڭ جوبالاردى جۇزەگە اسىرىپ كەلە جاتقانىن ايتتى.
«2024 جىلعى 11 جەلتوقساندا استانا قالاسىنداعى Astana Hub الاڭىندا مەملەكەت باسشىسى رەسمي تانىستىرعان AI-SANA باعدارلاماسى ەلىمىزدىڭ تسيفرلىق ترانسفورماتسياسىنا جاڭا سەرپىن بەردى. ۋنيۆەرسيتەت بۇل باستامانى العاشقىلاردىڭ ءبىرى بولىپ قولداپ, ءبىلىم, عىلىم جانە ستارتاپ-ەكوجۇيەنى دامىتۋ باعىتىندا جۇيەلى جۇمىستار اتقارۋدا. وتكەن وقۋ جىلىندا QyzPU-دىڭ 12 مىڭنان استام ستۋدەنتى مەن ماگيسترانتتارى Coursera, Huawei جانە Astana Hub پلاتفورمالارىنداعى كۋرستاردى اياقتاپ, سەرتيفيكاتتار الدى. ۋنيۆەرسيتەتتىڭ بىلىكتىلىكتى ارتتىرۋ ورتالىعىندا پروفەسسورلىق-وقىتۋشىلىق قۇرام ءۇشىن ء«بىلىم بەرۋدەگى جاساندى ينتەللەكت: نەگىزدەرى جانە پراكتيكالىق قولدانۋ» كۋرسى تۇراقتى تۇردە وتكىزىلىپ كەلەدى. تەك سوڭعى ەكى جىلدا 400-گە جۋىق وقىتۋشى وسى كۋرستان ءوتىپ, ءوز تاجىريبەسىندە AI تەحنولوگيالارىن قولدانا باستادى» – دەدى رەكتوردىڭ مىندەتىن اتقارۋشى.
سونىمەن قاتار ۋنيۆەرسيتەتتە جاڭا ءبىلىم بەرۋ باعدارلامالارى مەن كۋرستار وقىتىلا باستادى. بارلىق ماماندىققا ارنالعان «جاساندى ينتەللەكت نەگىزدەرى» ءپانى ەنگىزىلدى. «قولدانبالى جاساندى ينتەللەكت» اتتى جاڭا ءبىلىم بەرۋ باعدارلاماسى اشىلىپ, العاشقى ستۋدەنتتەرىن قابىلداۋدى باستادى. ۋنيۆەرسيتەتتىڭ ينفراقۇرىلىمىنا AI اگەنتتەر – «TalapkerQyzPU», «iHelpDesk», «Qujattyq kenes», «KitapOqy», «Avatar QyzPU» ەنگىزىلۋدە.
«پرەزيدەنت جولداۋىنداعى «ۇستازداردىڭ جاساندى ينتەللەكت تەحنولوگياسىن مەڭگەرۋ داعدىسىن قالىپتاستىرۋ قاجەت» دەگەن ءسوزى ءبىزدىڭ ۋنيۆەرسيتەتتىڭ ستراتەگيالىق باعىتىمەن تولىق ۇيلەسەدى. ءبىز جاساندى ينتەللەكتىنى ءبىلىم بەرۋ جۇيەسىنە ەنگىزە وتىرىپ, بولاشاق مۇعالىمدەردى جاڭا ءداۋىردىڭ تالاپتارىنا ساي دايىندايمىز. قازاق ۇلتتىق قىزدار پەداگوگيكالىق ۋنيۆەرسيتەتى پرەزيدەنتتىڭ باستامالارىن تولىق قولداي وتىرىپ, ءبىلىم, عىلىم جانە يننوۆاتسيانى توعىستىرعان, جاساندى ينتەللەكت داۋىرىندە جەتەكشى وقۋ ورنى بولۋعا دايىن», – دەپ اتاپ ءوتتى سابيت قۇرمانجان ۇلى.
