جارما اۋدانى شار قالاسىنىڭ پ.كارەلين اتىنداعى مەكتەپ وقۋشىلارىنا كاسىپكەر باقىت سەرىكقىزى كومەك كورسەتتى. اتاپ ايتقاندا, ب. اكىشوۆا 7 وقۋشىعا 10 مىڭ تەڭگە مولشەرىندە جاڭا وقۋ جىلىنا ارنالعان مەكتەپ اياق كيىمىن سىيعا تارتتى. بۇل قايىرىمدىلىق كومەگى بالالاردىڭ مەكتەپكە تولىق دايىندىقپەن بارۋىنا ءوز سەپتىگىن تيگىزىپ, اتا-انالارعا ماتەريالدىق قولداۋ بولدى. ءبىلىم بەرۋ ۇيىمى كاسىپكەرگە كورسەتكەن قامقورلىعى مەن الەۋمەتتىك جاۋاپكەرشىلىگى ءۇشىن ءوز العىستارىن ءبىلدىردى. ال اباي گارنيزونىنداعى 28738 اسكەري ءبولىمىنىڭ جەكە قۇرامى مەن اسكەري قىزمەتشىلەردىڭ وتباسى مۇشەلەرىمەن جۇمىستى ۇيىمداستىرۋ قىزمەتى ءداستۇرلى «مەكتەپكە جول» اكتسياسى اياسىندا الەۋمەتتىك جاعىنان از قامتىلعان جانە كوپبالالى وتباسىلاردان شىققان وقۋشىلارعا كومەك كورسەتتى. اكتسيا اياسىندا بالالارعا مەكتەپكە قاجەتتى قۇرال-جابدىقتار مەن سومكەلەر تابىستالدى.
– بۇل يگى ءىس-شارا اسكەري بولىمدە جىل سايىن وتكىزىلىپ, داستۇرگە اينالعان. ونىڭ باستى ماقساتى – جاڭا وقۋ جىلى قارساڭىندا بالالارعا قۋانىش سىيلاپ, ولاردىڭ ساپالى ءبىلىم الۋىنا جاعداي جاساۋ, سونداي-اق قوعامدا قايىرىمدىلىق پەن جاناشىرلىقتى ناسيحاتتاۋ, – دەيدى 28738 اسكەري ءبولىمىنىڭ اسكەري قىزمەتشىلەردىڭ وتباسى مۇشەلەرىمەن جۇمىستى ۇيىمداستىرۋ قىزمەتىنىڭ باسشىسى قارلىعاش ماقسۇتوۆا.
سونىمەن بىرگە قمدب اباي وبلىسى زەكەت جانە قايىرىمدىلىق قورىنىڭ ۇيىمداستىرۋىمەن «مەكتەپكە جول» قايىرىمدىلىق اكتسياسى بويىنشا 12 مۇقتاج وتباسىعا ارناپ مەكتەپكە قاجەت قۇرال-جابدىقتارى تابىستالدى.
اياگوز اۋداندىق قالالىق كوپبەيىندى قازاق مەكتەپ-گيمنازياسىندا «مەكتەپكە جول» رەسپۋبليكالىق اكتسياسى اياسىندا از قامتىلعان وتباسى بالالارىنا جانە اتاۋلى الەۋمەتتىك كومەك الاتىن وتباسى بالالارىنا جاڭا وقۋ جىلىنا دايىندىق بارىسىندا مەكتەپ قۇرال-جابدىقتارى جانە قارجىلاي كومەك بەرىلدى. دەمەۋشى ازاماتتار 162 000 تەڭگە قارجىلاي جانە 344 500 تەڭگەگە مەكتەپ فورماسى, سپورت فورماسى, سومكە جانە وقۋ قۇرالدارىمەن دەمەۋشىلىك جاساپ, وقۋشىلارعا قۋانىش سىيلادى.
سونىمەن قاتار مەكتەپكە بالالاردى دايارلاۋدىڭ ەرەكشە ۇلگىسىن كورسەتكەن KAZ Minerals كومپانياسى بولدى. اقتوعاي كەنشىلەرى اياگوزدە اقتوعاي, تارلاۋلى, قوپا اۋىلدارىندا «مەكتەپكە جول» اكتسياسىن ۇيىمداستىرىپ, 1 015 وقۋشىعا وقۋ قۇرالدارىن تابىستادى. اتالعان اكتسياعا دەمەۋشى كومپانيا 19,3 ملن تەڭگە ءبولىپتى. اكتسياعا قاتىسقان اتا-انالار العىستارىن ءبىلدىردى.
– وقۋشىلارىمىز مەكتەپكە دايىن كەلىپ جاتقانىنا ءبىز دە ەرەكشە قۋانىشتىمىز. KAZ Minerals كومپانياسى «مەكتەپكە جول» اكتسياسىن جىل سايىن ۇيىمداستىرىپ كەلەدى. بۇگىندە مەكتەپكە قاجەتتى قۇرال-جابدىقپەن قامتىلعان وقۋشىلارىمىزدىڭ كوزىندەگى قۋانىشتى كورىپ, ءبىز دە مارقايىپ قالدىق. جەرگىلىكتى جەردەگى وقۋشىلارعا, ەلىمىزدىڭ بولاشاق جاستارىنا قولداۋ ءبىلدىرىپ جاتقان اقتوعاي كەن ورنىنا ايىرىقشا العىس ايتامىز, – دەيدى اقتوعاي №6 جالپى ءبىلىم بەرەتىن ورتا مەكتەبىنىڭ ديرەكتورى گۇلزيپا ماقاجانقىزى.
اباي وبلىسى
