فوتو: مادەنيەت جانە اقپارات مينيسترلىگى
مادەنيەت جانە اقپارات مينيسترلىگىنىڭ حابارلاۋىنشا, اتالمىش قولجازبا XI عاسىردا قۇراستىرىلعان «كيتاب گارايب ءال-فۋنۋن ۋا مۋلياح ءال-ۋيۋن» («عىلىمداردىڭ عاجايىپتارى مەن كوز قۋانىشتارى كىتابى») اتتى ەڭبەكتىڭ جالعىز بەلگىلى نۇسقاسى. عالىمداردىڭ بولجامىنشا, بۇل قولجازبا XII عاسىردىڭ سوڭعى كەزەڭى مەن XIII عاسىردىڭ باسىندا مىسىردا كوشىرىلگەن.
كارتادا قازىرگى قازاقستان اۋماعىنداعى ماڭىزدى تاريحي نىساندار كورسەتىلگەن. سونىڭ ىشىندە جانكەنت قالاسى ەرەكشە اتالىپ, اراب تىلىندە ء«ال-كاريا ءال-حاديسا» («جاڭا قالا») دەپ بەرىلگەن. تاريحي دەرەكتەر جانكەنتتىڭ VIII–XI عاسىرلاردا وعىز مەملەكەتىنىڭ استاناسى بولعانىن ايعاقتايدى. سونىمەن قاتار كارتادا قازاقستاننىڭ وڭتۇستىگىندە ورنالاسقان نەگىزگى قالالار دا بەينەلەنگەن.
ايتا كەتەيىك, بۇل قولجازبا 2002 جىلى قايىرىمدىلىق ۇيىمدارىنىڭ قولداۋىمەن ساتىپ الىنىپ, كەيىننەن تولىق تسيفرلاندى. بۇگىندە ول يسلامدىق ورتاعاسىرلىق گەوگرافيا مەن كىتاپ ونەرىن زەرتتەۋدە تاپتىرماس دەرەككوز بولىپ سانالادى.
XI عاسىردان جەتكەن كارتا ورتا ازيا مەن قازاقستاننىڭ تاريحي كەلبەتىن ايقىنداپ, عىلىمي, مادەني جانە ۇلتتىق تۇرعىدان ۇلكەن ماڭىزعا يە جادىگەر رەتىندە باعالانىپ وتىر.
