كوكشەتاۋدا 82 جاستاعى تۇرعىن 4-قاباتتان قۇلاپ, قازا تاپتى

استانا. 6 تامىز. كوكشەتاۋدا 82 جاستاعى قەيۋانا 4-قاباتتان قۇلاپ, قازا تاپتى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى. قايعىلى وقيعا كوكشەتاۋ قالاسىندا ورىن العان. قالالىق ىشكى ىستەر باسقارماسىنىڭ كەزەكشى بولىمىنە وبلىستىق اۋرۋحانانىڭ دارىگەرى حابارلاعان. ول: «ءتۇرلى دەنە جاراقاتىمەن اۋرۋحانانىڭ جان ساقتاۋ بولىمىنە 1933 جىلى تۋعان ايەل كىسى ءتۇستى. دارىگەرلەر ونىڭ ءومىرىن امان الىپ قالۋعا ۇمىتىلعانىمەن, كەيۋانا العان جاراقاتىنان قايتىس بولدى», – دەدى. ال قازا تاپقان قاريانىڭ نەمەرەسى: «اجەمنىڭ كوزى ناشار كورەتىن جانە ۇيدە جالعىز قالعان بولاتىن. سوندىقتان دا اجەم ەسىكتى اشامىن دەپ بايقاۋسىزدا تەرەزەنى اشىپ جىبەرگەن بولۋى مۇمكىن», – دەدى. ايتا كەتەيىك, اتالعان وقيعاعا بايلانىستى قۇقىق قورعاۋ وگاندارى تەكسەرۋ جۇرگىزۋدى باستادى. تالعات رايىمبەك. دەرەك: «قازاقپارات» سۋرەت: astana.gov.kz.