ەلىمىزدە 15 وقۋشى وقيتىن مەكتەپ بارفوتو: بەينەجازبادان
وندا مەكتەپتە تەك باستاۋىش سىنىپ وقۋشىلارى ءبىلىم الاتىنى كورسەتىلگەن, دەپ جازادى inbusiness.kz سايتى.
اۋىل تۇرعىندارى مەكتەپتى جىل سايىن سىرلاپ, تازالايتىنىن جازعان. بەينەجازبانى كورگەن جەلى قولدانۋشىلارى ءارتۇرلى پىكىر قالدىرعان.
وسى جاعدايعا بايلانىستى بقو ءبىلىم باسقارماسى تۇسىنىك بەردى. مالىمەتكە سايكەس, جەتىبايداعى جامبىل باستاۋىش مەكتەبىندە 2025-2026 وقۋ جىلىندا 15 وقۋشى وقيدى, ونىڭ ىشىندە 1-سىنىپقا 4 بالا قابىلدانعان.
وقۋ پروتسەسىن 6 پەداگوگ قامتاماسىز ەتەدى. مەكتەپ عيماراتى 1984 جىلى سالىنعان جانە اۋدان ورتالىعىنان 85, وبلىس ورتالىعىنان 500 شاقىرىم قاشىقتىقتا ورنالاسقان.
مەكتەپ Starlink جۇيەسى ارقىلى ينتەرنەتكە قوسىلعان, ەكى كابينەتتە ينتەراكتيۆتى پروەكتور ورناتىلعان.
سونىمەن قاتار, مەكتەپتە 8 ساندىق بەينەباقىلاۋ كامەراسى جۇمىس ىستەيدى. بارلىق وقۋشىلار تەگىن ىستىق تاماقپەن قامتاماسىز ەتىلگەن. بيىل مەكتەپكە اعىمداعى جوندەۋ جۇرگىزىلگەن. 2026 جىلى مەكتەپ اۋلاسىنا ورنەكتاس توسەۋ, ال 2028 جىلى كۇردەلى جوندەۋ جۇرگىزۋ جوسپارلانعان.
