قىزىلوردادا 4 كۇندە 899 اكىمشىلىك قۇقىق بۇزۋشىلىق انىقتالدى

قىزىلوردا. 6 تامىز. قىزىلوردادا «تازا قالا – تازا ايماق» پروفيلاكتيكالىق ءىس-شاراسىنىڭ 4 كۇنىندە 899 اكىمشىلىك قۇقىق بۇزۋشىلىق انىقتالدى. بۇل تۋرالى egemen.kz ءتىلشىسى حابارلادى. شاراعا ۋچاسكەلىك جانە يۋۆەنالدى پوليتسيا ينسپەكتورلارى, جول-پاترۋلدىك پوليتسيا باتالونى قىزمەتكەرلەرىنەن قۇرالعان 500-گە جۋىق قىزمەتكەر جۇمىلدىرىلىپ, ءىس-شارانىڭ 4 كۇنىندە بارلىعى 899 اكىمشىلىك قۇقىق بۇزۋشىلىق تىركەدى. اتاپ ايتاتىن بولساق, 1 تامىز كۇنى ساعات 10.30 شاماسىندا قىزىلوردا وبلىسى, شيەلى كەنتىندەگى كوپ قاباتتى ءۇيدىڭ اۋلاسىنا قۇرىلىس قالدىقتارىن جيناپ قويىپ, قالا تازالىعى مەن كوركىنە ەلەۋلى زيان كەلتىرگەندىگى ءۇشىن 1976 جىلى تۋعان ازاماتقا اكىمشىلىك قۇقىق بۇزۋشىلىق تۋرالى كودەكستىڭ 505-بابى 1-بولىمىمەن ەسكەرتۋ جاسالدى. سونىمەن قاتار, ءدال وسىنداي دەرەك 3 تامىز كۇنى ساعات 11.50 شاماسىندا قىزىلوردا قالاسىندا دا ورىن العان. اتاپ ايتقاندا, تاسبوگەت كەنتىنىڭ تۇرعىنى ورتالىق الاڭدا تەمەكى شەگىپ, قالدىعىن تاستاپ, قوعامدىق ورىنداردى لاستاعانى ءۇشىن ۇستالدى. وعان قاتىستى اكىمشىلىك قۇقىق بۇزۋشىلىق تۋرالى كودەكستىڭ 434-بابىمەن اكىمشىلىك ءىس راسىمدەلىپ, شەشىم قابىلداۋعا قىزىلوردا قالاسىنىڭ اكىمشىلىك سوتىنا  جولداندى. ەرجان بايتىلەس. دەرەك: egemen.kz. سۋرەت: pinetron.ru.