فوتو: ۇكىمەتتىڭ ءباسپاسوز قىزمەتى
باستى مىندەت وڭىرىندە ءبىلىم ساپاسىنىڭ بىرىڭعاي ستاندارتتارىن قامتاماسىز ەتۋ ءۇشىن ينفراقۇرىلىمدى جاڭعىرتۋ. بيىل جالپى سىيىمدىلىعى 267 مىڭ ورىن بولاتىن قۇرىلىسى ءجۇرىپ جاتقان 232 جاڭا مەكتەپتى پايدالانۋعا بەرۋ جوسپارلانعان. بۇل ءۇش اۋىسىمدى وقىتۋ ماسەلەسىن شەشۋگە مۇمكىندىك بەرمەك.
سونىمەن قاتار قولدانىستاعى عيماراتتاردى جاڭعىرتۋ باعدارلاماسى ىسكە اسىرىلىپ جاتىر. 2025 جىلى 245 مەكتەپتە كۇردەلى جوندەۋ جۇرگىزىلەدى. قوسىمشا 1 مىڭنان استام اۋىل مەكتەبى جاڭعىرتىلادى. سونداي-اق 680 ۇيىم ءۇشىن 1,1 مىڭنان استام زاماناۋي پاندىك كابينەت ساتىپ الىنادى. مەكتەپ وقۋلىقتارىنىڭ 100%-ىن ينتەراكتيۆتى مازمۇندى ەلەكتروندىق فورماتقا تولىق كوشىرۋ ماڭىزدى مىندەتتەردىڭ ءبىرى.
ايتا كەتەيىك, بۇگىندە مەكتەپتەردىڭ 90%-دا ينكليۋزيۆتى ءبىلىم بەرۋگە جاعداي جاسالعان, 85% بالا قاجەتتى قولداۋ الىپ وتىر.
ارنايى ۇيىمداردىڭ جەلىسى كەڭەيتىلگەن: 508 مەكەمە جۇمىس ىستەيدى, 121 قولداۋ كابينەتى اشىلدى. ەرەكشە قاجەتتىلىكتەرى بار بالالارعا پەداگوگ-اسسيستەنت, ارنايى پەداگوگ جانە جەكە كومەكشى شتاتتارى ەنگىزىلگەن. الداعى ۋاقىتتا ۇزدىكسىز ينكليۋزيۆتى ءبىلىم بەرۋدىڭ ۇلتتىق ورتالىعىن قۇرىپ, سونداي-اق «ەرەكشە ءبىلىم بەرۋدى قاجەت ەتەتىن بالالاردى كەشەندى قولداۋ تۋرالى» زاڭ ازىرلەۋ جوسپارلانعان.
