اتىراۋ وبلىستىق پوليتسيا دەپارامەنتىنىڭ ءباسپاسوز قىزمەتىنەن ءمالىم ەتكەندەي, ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ەسىرتكى تاراتتى دەگەن كۇدىكپەن جىلىوي اۋدانىنىڭ تۇرعىنىن ۇستاعان.
«قۇلسارى قالاسىندا ەسىرتكى زاتتارىن تاراتۋمەن اينالىسقان كۇدىكتىنىڭ جەكە باسىن, ۋاقىتشا جالداعان پاتەردى ءتىنتۋ كەزىندە ارقايسىسى 0,75 گراممدى قۇرايتىن ەرەكشە ءيىسى بار اق ءتۇستى ۇنتاق ءتارىزدى زات سالىنعان 45 وراما تابىلدى. كۇدىكتىنىڭ ءوزى جاسىرعان 5 وراما تاركىلەندى. ونىڭ سالماعى 38,7 گرامم بولاتىن «الفا-PVP» سينتەتيكالىق ەسىرتكى زاتى ەكەنى انىقتالدى», دەپ حابارلادى دەپارتامەنتتىڭ ءباسپاسوز قىزمەتى.
قازىر كۇدىكتىگە قاتىستى قىلمىستىق كودەكستىڭ 297-بابىنىڭ 3-بولىگىمەن قىلمىستىق ءىس قوزعالىپ, تەرگەۋ امالى جۇرگىزىلىپ جاتىر. ال كۇدىكتىنى كۇدىكتى قاماۋعا الىنعان.
