الماتىدا گاندبولدان جاستار اراسىنداعى ازيا چەمپيوناتى باستالدى

استانا. 6 تامىز. بۇگىن الماتىدا گاندبولدان جاستار اراسىنداعى 13-ءشى ازيا چەمپيوناتى باستالدى. «دوستىق» سپورت كەشەنىندە جالاۋى جەلبىرەگەن جارىسقا تەك ايەلدەر كوماندالارى قاتىسۋدا. بۇل تۋرالى قازاقستان گاندبول فەدەراتسياسىنىڭ ءباسپاسوز قىزمەتى حابارلادى. چەمپيوناتتا قازاقستان, جاپونيا, وڭتۇستىك كورەيا, يران, وزبەكستان جانە تاجىكستاننىڭ جاستار قۇرامالارى باق سىنايدى. وسى جارىستا 2016 جىلى رەسەيدە وتەتىن الەم چەمپيوناتىنا جولداما بەرىلەدى. وتاندىق ماماندار قازاقستاننىڭ فينالعا شىعاتىنىنا زور سەنىم ارتىپ وتىر. سونىمەن قاتار, بيىل كەلەر جىلى ريو-دە-جانەيرودا وتەتىن وليمپياداعا ىرىكتەۋ سايىستارى وتەتىنى بەلگىلى. اتاپ ايتقاندا, وسى جىلدىڭ قازان ايىندا جاپونيادا ايەلدەر قۇراماسى وليمپيادا جولداماسىن ساراپقا سالادى. ال جاستار قۇراماسىندا وينايتىن قىزدارىمىزدىڭ كوپشىلىگى نەگىزگى قۇراما ساپىندا دا ونەر كورسەتەدى. سول سەبەپتى, ءبىز ءۇشىن الماتىداعى سايىستىڭ ماڭىزى جوعارى. جاستار اراسىنداعى ازيا چەمپيوناتى 14 تامىزعا دەيىن جالعاسادى. ەلامان قوڭىر. دەرەك: قازاقستان گاندبول فەدەراتسياسىنىڭ ءباسپاسوز قىزمەتى. سۋرەت: prosportkz.kz.