بۇل تۋرالى قارجىلىق مونيتورينگ اگەنتتىگى توراعاسىنىڭ ورىنباسارى جەڭىس ەلەمەسوۆ ايتتى.
«بۇگىنگە ەشقانداي وزگەرىس جوق, قاداعالاپ وتىرمىز. ءتيىستى اپپەلياتسيالىق شاعىم تۇسكەن كەزدە ول جايىندا بىلەسىزدەر. سوت ۇكىمىنە سايكەس, سوت ورىنداۋشىلارى ونىڭ مۇلكىن اۋكتسيونعا شىعارىپ ساتادى. سول قاراجات ەسەبىنەن زارداپ شەگۋشىلەردىڭ شىعىنى وتەلەدى», دەدى ول سەناتتىڭ جالپى وتىرىسىنان كەيىن باق وكىلدەرىنىڭ ساۋالىنا وراي.
ونىڭ ايتۋىنشا, قايرات پەريزات قور ەسەپشوتىنا تۇسكەن قاراجاتتى ءوزى عانا يگەرگەن. قور قاراجاتىن تالان-تاراجعا سالعان باسقا تۇلعالار انىقتالعان جوق.
ايتا كەتەيىك, شىلدە ايىندا استانا سوتى پەريزات قايراتقا 10 جىل مەرزىمگە باس بوستاندىعىنان ايىرۋ جازاسىن بەلگىلەدى. ال اناسى عايني الاشباەۆا 7 جىل مەرزىمگە باس بوستاندىعىنان ايىرىلدى.
