سۋرەت: egov.kz
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, بىلتىر 96,9 مىڭنان استام ءوتىنىم سىرتتاي فورماتتا قارالعان. بۇل – كۋالاندىرۋدان وتكەن مۇگەدەكتىگى بار ادامداردىڭ جالپى سانىنىڭ 37,4%-ى.
مەملەكەت باسشىسى ەرەكشە قاجەتتىلىكتەرى بار ادامدارعا بارىنشا قولايلى جاعداي جاساۋدى تاپسىرعان بولاتىن. جاۋاپتى مينيسترلىككە مۇگەدەكتىك توبىن انىقتاۋشىلار ينستانتسيالاردان وتۋدە قاعازباستىلىققا سالىنباۋىن جۇكتەدى. وسى تاپسىرمانى ورىنداۋ ماقساتىندا ەڭبەك جانە حالىقتى الەۋمەتتىك قورعاۋ مينيسترلىگى دەنساۋلىق ساقتاۋ, تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىكتەرىمەن بىرلەسىپ, ەلدىڭ بارلىق 20 وڭىرىندە قاناتقاقتى رەجىمدە مەديتسينالىق-الەۋمەتتىك ساراپتاما ء(ماس) جۇرگىزۋدىڭ سىرتتاي فورماتى جوبانى ىسكە اسىرىپ جاتىر.
مۇگەدەكتىك توبىن بەلگىلەۋ جونىندەگى قىزمەتتى الۋ ءۇشىن ءوتىنىش بەرۋشىگە تۇرعىلىقتى جەرىندەگى ەمحاناعا جۇگىنىپ, مىندەتتى تەكسەرۋدەن ءوتۋ قاجەت. ودان كەيىنگى شارۋانىڭ بارلىعى اقپاراتتىق جۇيەلەردى ينتەگراتسيالاۋ ەسەبىنەن ونىڭ قاتىسۋىنسىز وتەدى.
سىرتتاي كۋالاندىرۋعا كوشۋ ەڭ الدىمەن اكىمشىلىك, بيۋروكراتيالىق كەدەرگىلەردى جويادى. ەكىنشىدەن, ءماس ساراپتامالىق شەشىمدەرىنىڭ اشىقتىعىن قامتاماسىز ەتەدى. ۇشىنشىدەن, مۇگەدەكتىكتى بەلگىلەۋ, مۇگەدەكتىگى بار ادامداردى الەۋمەتتىك قورعاۋ شارالارىن انىقتاۋ قىزمەتتەرىن ۇيدەن شىقپاي-اق الۋعا مۇمكىندىك بەرەدى. سونىمەن قاتار كورسەتىلەتىن قىزمەتتى الۋشىنىڭ مۇگەدەكتىك توبىن بەلگىلەۋشى مەكەمە قىزمەتكەرىمەن تىكەلەي بايلانىسىن بولدىرمايدى. ناتيجەسىندە, سىبايلاس جەمقورلىق تاۋەكەلدەرى ازايادى.
