فوتو: اشىق دەرەككوز
رەيتينگ بويىنشا شۆەيتساريا كوش باستاپ تۇر. ەلدىڭ التى بىردەي قالاسى نيۋ-يوركتەن قىمبات سانالدى. ءبىرىنشى ورىندا – تسيۋريح (112,5 بالل). مۇنداي ناتيجەگە ۇلتتىق ۆاليۋتانىڭ قىمباتتىعى مەن جوعارى جالاقى اسەر ەتكەن. سول سەبەپتى جەنەۆا, بازەل, لوزاننا, لۋگانو جانە بەرن دە تىزىمگە كىردى. شۆەيتساريا قىمبات ەل بولعانىمەن, جوعارى ءومىر ساپاسى, مەديتسيناسى, ينفراقۇرىلىمى جانە تابيعاتىمەن ەرەكشەلەنەدى.
تىزىمگە اقش-تىڭ بىرنەشە ءىرى قالاسى دا ەنگەن. نيۋ-يورك – ءومىر قىمباتتىعىمەن قاتار, مۇمكىندىكتەرىمەن دە ايگىلى قالا. سان-فرانتسيسكو مەن سان-حوسە – كرەمني القابىنىڭ ورتالىعى, مۇندا ستارتاپتار مەن IT الىپتارىنىڭ شوعىرلانۋى باعانى وسىرگەن. سيەتلدە دە جوعارى تابىستى مامانداردىڭ كوپتىگى تۇرعىن ءۇي مەن قىزمەت قۇنىن قىمباتتاتىپ وتىر. گونولۋلۋ بولسا, گەوگرافيالىق ەرەكشەلىگىنە بايلانىستى قىمبات قالا سانالادى: ازىق-ت ۇلىك پەن تاۋارلار ارالعا اۋە جانە تەڭىز ارقىلى جەتكىزىلەدى.
يسلانديا استاناسى رەيكياۆيك تە ەڭ قىمبات قالالاردىڭ قاتارىندا. سەبەبى ەلگە ازىق-ت ۇلىكتىڭ باسىم بولىگى سىرتتان اكەلىنەدى. ءتۋريزمنىڭ دامۋى قوناقۇي مەن مەيرامحانا باعاسىنىڭ قىمباتتاۋىنا اسەر ەتكەن.
ازيادا سينگاپۋر ەرەكشە كوزگە تۇسەدى. يندەكسى – 85,3. مۇندا كولىككە قويىلعان مەملەكەتتىك شەكتەۋلەر مەن قىمبات باسپانا ءومىر قۇنىن ءوسىرىپ تۇر. دەگەنمەن قاۋىپسىزدىك پەن قىزمەت ساپاسى وتە جوعارى دەڭگەيدە.
سكانديناۆيادان نورۆەگيانىڭ استاناسى وسلو رەيتينگكە ەندى. جوعارى سالىقتار الەۋمەتتىك قولداۋ ارقىلى وتەلسە دە, تۋريستەر ءۇشىن قالا قىمبات بولىپ سانالادى.
ال ۇلىبريتانيادان لوندون بۇل تىزىمنەن تىس قالعان جوق. قالانىڭ قىمباتتىعىنا حالىقارالىق كومپانيالاردىڭ كوپتەپ ورنالاسۋى جانە تۇرعىن ۇيگە جوعارى سۇرانىس باستى سەبەپ. ورتالىقتاعى پاتەر باعاسى مەن جالداۋ اقىسى تابىستىڭ باسىم بولىگىنە پارا پار.
