فوتو: اشىق دەرەككوز
تەرگەۋ دەرەكتەرىنە سايكەس, كۇدىكتى جابىرلەنۋشىلەرگە ءارتۇرلى ەلدەرگە ۇزاق جانە قىسقا مەرزىمدى ۆيزا جاساپ بەرۋگە ۋادە بەرگەن. قىلمىستىق جاۋاپتىلىقتان جالتارۋ ماقساتىندا ول 60-تان استام جابىرلەنۋشىمەن جالعان نەسيەلىك كەلىسىمدەر جاساپ, ءوز ارەكەتتەرىن ازاماتتىق-قۇقىقتىق قاتىناس رەتىندە كورسەتۋگە تىرىسقان.
«كەلتىرىلگەن شىعىن 330 ملن تەڭگەدەن استام.كۇدىكتى ۇستالدى, ونىڭ ارەكەتى قك-ءنىڭ 190-بابى 4-بولىگىنىڭ 2-تارماعى بويىنشا سارالانىپ, سوتتىڭ سانكتسياسىمەن كۇزەتپەن ۇستاۋ تۇرىندەگى بۇلتارتپاۋ شاراسى قولدانىلدى», دەپ حابارلادى استانا قالاسى پروكۋراتۋراسىنىڭ ءباسپاسوز قىزمەتى.
قازىرگى تاڭدا بارلىق جابىرلەنۋشىلەر انىقتالىپ, سوتقا دەيىنگى تەرگەۋ امالدارى جۇرگىزىلىپ جاتىر.
قالا پروكۋراتۋراسى الاياقتىق جاساعانى ءۇشىن 10 جىلعا دەيىن باس بوستاندىعىنان ايىرۋ جازاسى قاراستىرىلعانىن جانە كىنالى ادامنىڭ مۇلكى تاركىلەنەتىنىن ەسكە سالادى.
