فوتو: اشىق دەرەككوز
پرەزيدەنت جۋرناليستەرمەن اق ۇيدەگى كابينەتىندەگى ءباسپاسوز جيىنىندا كەزدەستى.
«مەن ەكى كۇن ەشتەڭە ىستەمەدىم, ال جۇرت مەن تۋرالى بىردەن جامان اڭگىمە شىعارا باستادى», دەدى ترامپ ءازىل ارالاس پىكىر ءبىلدىرىپ.
قاۋەسەتتەر تامىزدىڭ سوڭىندا X الەۋمەتتىك جەلىسىندە كەڭىنەن تاراعان. #TrumpIsDead حەشتەگى بىرنەشە ساعات ىشىندە تانىمال بولىپ, مىڭداعان جازبا جاريالاندى.
سول كۇنى-اق اتى-ءجونىن اتاماعان امەريكالىق شەنەۋنىك Axios ءجۋرناليسى باراك راۆيدكە پرەزيدەنتتىڭ جاعدايى جاقسى ەكەنىن, ول سول كۇنى گولف ويناپ جۇرگەنىن ايتقان.
الەۋمەتتىك جەلىلەردە ءتۇرلى بولجامدار كۇشەيدى. كەيبىرەۋلەر اقش ۆيتسە-پرەزيدەنتى دجەي دي ۆەنستىڭ قاجەت بولعان جاعدايدا پرەزيدەنتتىڭ مىندەتىن اتقارۋعا دايىن ەكەنىن مالىمدەۋىن دالەل رەتىندە كەلتىردى. ال باسقالارى ترامپتىڭ قولىنداعى كوگەرگەن داققا نازار اۋدارىپ, ونى كورولەۆا ەليزاۆەتا II-ءنىڭ قايتىس بولار الدىنداعى بەلگىلەرمەن سالىستىردى.
پرەزيدەنتتىڭ ءوزى ەل الدىنا شىعىپ, دەنساۋلىعىنا قاتىستى كۇماندى اڭگىمەلەردى جوققا شىعاردى. وسىلايشا, ترامپتىڭ قايتىس بولعانى تۋرالى قاۋەسەتتەردىڭ جالعان ەكەنى رەسمي تۇردە راستالدى.
