استانا. 3 شىلدە. «ەگەمەن قازاقستان» گازەتىنىڭ رەداكتسياسىندا «پرەزيدەنت» اتتى جيناقتىڭ تۇساۋكەسەر ءراسىمى ءوتتى. بۇل تۋرالى egemen.kz حابارلادى.
ءراسىمدى «ەگەمەن قازاقستان» رەسپۋبليكالىق گازەتى» اكتسيونەرلىك قوعامىنىڭ پرەزيدەنتى ساۋىتبەك ابدراحمانوۆ قىسقاشا ءسوز سويلەپ اشتى. ول ءوز سوزىندە اتالمىش جيناقتىڭ بۇدان 5 جىل بۇرىن جارىققا شىققان «ەلباسى» دەگەن كىتاپتىڭ جالعاسى ىسپەتتەس ەكەنىن ايتتى. رەداكتسيا بۇعان دەيىن تاعى «تاۋەلسىزدىك», «سالتانات», «استانا» جانە «دىنتۇتقا» سەكىلدى جيناقتار دايىنداعان بولاتىن. جالپى, بۇل جىلدا وسى مەزگىلدە شىعىپ كەلە جاتقان سەريانىڭ التىنشى كىتابى بولىپ تابىلادى.
باسقوسۋداعى ءبىرىنشى ءسوزدى اتالمىش جيناقتىڭ جارىققا شىعۋىنا دەمەۋشىلىك كورسەتكەن مەكەمە - «سامۇرىق-قازىنا» ۇلتتىق ءال-اۋقات قورى اكتسيونەرلىك قوعامىنىڭ باسقارۋشى ديرەكتورى دارحان قالەتاەۆ الدى. ول كومپانيانىڭ مۇنداي يگىلىكتى شارانىڭ دۇنيەگە كەلۋىنە ۇلەس قوسقانىن ماقتان تۇتاتىنىن ايتا كەلىپ, ءبىزدىڭ ەلىمىزدىڭ تۇرعىندارى ءۇشىن بۇل تاقىرىپتاعى كىتاپتاردىڭ اكەلەتىن پايداسى ۇشان-تەڭىز ەكەنىنە نازار اۋداردى. ول ءسوزىن: «مەن ويلايمىن بۇل كىتاپ پرەزيدەنتتىڭ 5 جىلداعى ءومىرى عانا ەمەس, 5 جىل ىشىندەگى قازاقستاندىقتاردىڭ ءومىرى ەنگىزىلدى. مەملەكەت باسشىسىنىڭ «ەگەمەن قازاقستان» گازەتىنە بەرگەن سۇحباتتارى ارقىلى, قازاقستاندىقتاردىڭ الەۋمەتتىك احۋالىن بوياماسىز باياندادى», – دەپ تۇيىندەدى.
شارادا بۇدان باسقا, اقىن نۇرقوجا وراز, پارلامەنت سەناتىنىڭ دەپۋتاتى, قازاقستان جازۋشىلار وداعىنىڭ ءبىرىنشى حاتشىسى نۇرلان ورازالين, پارلامەنت سەناتىنىڭ دەپۋتاتتارى جابال ەرعاليەۆ, ءالي بەكتاەۆ جانە مۇرات مۇحامەدوۆ, پارلامەنت ءماجىلىسىنىڭ دەپۋتاتى الدان سمايىل, مەتسەنات بەكەت تۇرعاراەۆ تۇساۋى كەسىلىپ وتىرعان كىتاپ جايلى پىكىرلەرىن ورتاعا سالدى.
تالعات رايىمبەك.
دەرەك: egemen.kz.
سۋرەت: ەرلان وماروۆ.
