فوتو: اشىق دەرەككوز
بۇعان قوسا, 3,4 مىڭ قىزمەتكەرگە 1,1 ملرد تەڭگە كولەمىندە جالاقى قارىزى وتەلىپ, بارلىعى 28,4 مىڭ جۇمىسكەردىڭ قۇقىقتارى قورعالعان.
وندىرىستىك جاراقاتتانۋ كورسەتكىشى دە وڭ ديناميكانى كورسەتىپ وتىر. 2025 جىلدىڭ العاشقى جەتى ايىندا جاراقاتتانعاندار سانى 2024 جىلدىڭ سايكەس كەزەڭىمەن سالىستىرعاندا 11%-عا ازايىپ (719 ادام), قازا تاپقاندار سانى 14,7%-عا تومەندەگەن(93 ادام).
«ەڭبەك تاۋەكەلدەرىنىڭ تسيفرلىق كارتاسى» كومەگىمەن 94,8 مىڭ كاسىپورىنعا مونيتورينگ جۇرگىزىلىپ, «قىزىل ايماقتاعى» نىساندار سانى جىل باسىنان بەرى 8,9%-عا قىسقارعان(1 715-تەن 1 562-گە دەيىن).
سونىمەن قاتار كاسىبي تاۋەكەلدەردى باعالاۋ قىزمەتىن كورسەتەتىن ۇيىمداردى ىرىكتەۋ كۇشەيتىلگەن. تالاپقا ساي جابدىقتارى مەن ماماندارى جوق كومپانيالار تىزىلىمنەن شىعارىلىپ, ولاردىڭ سانى 162-دەن 66-عا دەيىن ازايعان.
الەۋمەتتىك ارىپتەستىك جۇيەسى دە كەڭەيىپ كەلەدى. بۇگىندە ەلدە باس كەلىسىم, 17 سالالىق جانە 200 وڭىرلىك كەلىسىم, سونداي-اق 169 مىڭنان استام ۇجىمدىق شارت قولدانىستا.
ەڭبەك زاڭناماسىن جەتىلدىرۋ باعىتىندا پارلامەنت ءماجىلىسىنىڭ قاراۋىنا ەڭ تومەنگى جالاقىعا قاتىستى حالىقارالىق ەڭبەك ۇيىمىنىڭ كونۆەنتسياسىن راتيفيكاتسيالاۋ تۋرالى زاڭ جوباسى ەنگىزىلگەن. سونداي-اق ەڭبەك قاۋىپسىزدىگى جونىندەگى وندىرىستىك كەڭەستەر قۇرۋ, تەحنيكالىق ينسپەكتورلاردىڭ مارتەبەسىن زاڭ جۇزىندە بەكىتۋ, جوسپاردان تىس تەكسەرۋلەردىڭ اياسىن كەڭەيتۋ جانە ەڭبەك قاتىناستارىن دەكلاراتسيالاۋ بويىنشا جاڭا نورمالار ۇسىنىلىپ وتىر.
ەڭبەكاقى تولەۋدىڭ تيىمدىلىگىن ارتتىرۋ ماقساتىندا اۋىل شارۋاشىلىعىنداعى ەڭبەك رەسۋرستارىن نورمالاۋ جۇيەسى ازىرلەندى. بۇل اۋىلدىق ەلدى مەكەندەردىڭ دامۋىنا, جاستاردى اۋىلعا تارتۋعا جانە حالىقتىڭ كوشىپ كەتۋىن ازايتۋعا ىقپال ەتپەك. سونىمەن بىرگە مەملەكەتتىك سەكتور ۇيىمدارى ءۇشىن ەڭبەكتى نورمالاۋدىڭ بىرىڭعاي جۇيەسى ەنگىزىلدى.
