الماتى وبلىسىندا جاڭا وقۋ جىلىنا دايىندىق كەزەڭى اياقتالدى.
«1 قىركۇيەكتە ءوڭىر مەكتەپتەرىندە 362 مىڭنان استام وقۋشى وقۋعا كەلەدى, ونىڭ ىشىندە 135 مىڭنان استامى – ءبىرىنشى سىنىپ وقۋشىلارى» – دەدى اتەنبەكوۆا.
ول وڭىردە پەداگوگيكالىق شەبەرلىك پەن ءبىلىم ساپاسىن ارتتىرۋدىڭ نەگىزگى مىندەت ەكەنىن اتاپ ءوتتى.
ءبىلىم باسقارماسىنداعى تاعى ءبىر ماڭىزدى باعىت – ينكليۋزيۆتى ءبىلىم جۇيەسىن دامىتۋ. ءار بالاعا تەڭ مۇمكىندىكتەر بەرۋ – باستى تالاپ. سوڭعى مالىمەتتەر بويىنشا, وبلىس ورتالىعىندا ينكليۋزيۆتى بىلىممەن قامتۋ دەڭگەيى 75%-عا جەتتى, ال بالاباقشالارعا قابىلداۋ كورسەتكىشى – 99%.
سونداي-اق, اقمارال اتەنبەكوۆا مەكتەپتەر مەن بالاباقشالاردىڭ ماتەريالدىق-تەحنيكالىق بازاسىن نىعايتۋعا ەرەكشە نازار اۋدارىلعانىن جەتكىزدى.
«اقپاراتتىق تەحنولوگيالار, تسيفرلىق داعدىلار, روبوتوتەحنيكا – قازىرگى زامان تالابىنا ساي پاندەر. بۇل باعىتتا پەداگوگيكالىق كونفەرەنتسيالار, ماستەر-كلاسستار, پيلوتتىق جوبالار جۇزەگە اسىرىلۋدا» – دەدى ول.
ءبىلىم ينفراقۇرىلىمىنا قاتىستى وتكىر ماسەلە دە بار.
«قوناەۆ قالاسىنداعى جاڭا بالاباقشا مەن بالالار ءۇيى قۇرىلىسى قارقىندى ءجۇرىپ جاتىر. بۇل – وڭىردەگى الەۋمەتتىك قولداۋ ينفراقۇرىلىمىنىڭ دامۋىنا ناقتى ۇلەس. ەسكى نىسان 1963 جىلى سالىنعان, اپاتتى عيماراتتار ەسەبىندە تۇر. ونىڭ ورنىنا سالىنىپ جاتقان زاماناۋي نىسان بالالاردىڭ قاۋىپسىزدىگىن العاشقى ورىنعا قويادى» دەپ تۇسىندىرە ايتتى اتەنبەكوۆا.
